Fransiyaning Parij shahrida marokashlik va mahalliy futbol muxlislari o‘rtasida to‘qnashuvlar sodir bo‘ldi.
Marokashlik muxlislar terma jamoaning JCH—2022 chorak finalida Portugaliya ustidan qozongan g‘alabasini (1:0) nishonlash uchun ko‘chaga chiqqan. Minglab muxlislar Parijdagi markaziy ko‘chani egallagan. Fransiya terma jamoasining Angliya ustidan qozongan g‘alabasidan (2:1) keyin esa ular safiga mahalliy ishqibozlar ham qo‘shilgan.
Natijada tomonlar o‘rtasida janjallar yuzaga kelgan. Muxlislar atrofdagi do‘konlar peshtaxtalarini sindirgan va politsiya bilan janjallashgan. Politsiya xodimlari ko‘zdan yoz oqizuvchi gazdan foydalanishga majbur bo‘lgan, deya xabar qildi Reuters.
Qayd etilishicha, tartibsizliklar oqibatida 74 kishi hibsga olingan.
Marokash va Fransiya terma jamoalari JCH—2022 yarim finalida o‘zaro to‘qnash keladi.
Marokash mundial yarim finaliga chiqqan ilk Afrika va birinchi arab mamlakatiga aylandi. Qator shaharlarda muxlislar bu g‘alabani nishonlagan.
Izoh (0)