Harri Keyn Angliya terma jamoasida Ueyn Runining rekordini takrorladi

Angliya terma jamoasi hujumchisi Harri Keyn JCH—2022 chorak finali doirasida Fransiyaga qarshi kechgan bahsda (1:2) gol urishga muvaffaq bo‘ldi.

Bu “Tottenhem” forvardi uchun Angliya terma jamoasi safidagi 53-gol bo‘ldi. Bu borada Keyn terma jamoaning eng yaxshi to‘purari Ueyn Runiga yetib oldi.

Qayd etish kerak, Keyn 80 ta o‘yinda ushbu natijaga erishdi, Runi 53 ta gol urish uchun Harridan 40 ta o‘yin o‘yin ko‘p o‘tkazgan.

29 yoshli futbolchi Jahon Chempionatlaridagi gollari sonini 8 taga yetkazib oldi. Bu borada Keyn Krishtianu Ronaldu, Diyego Maradona, Neymar va qator sobiq futbolchilar natijasiga yetib oldi. Angliyalik futbolchilardan faqat Gari Lineker (10) undan oldinda.

Mavzuga doir:

• JCH—2022 da yarim final juftliklari aniqlandi
• Fransiya Jahon Chempionatida 92 yillik natijani takrorladi