Angliya terma jamoasi JCH—2022 chorak finalida Fransiyaga imkoniyatni boy berib (1:2), mundial bilan xayrlashdi.
“Uchsherlar” yettinchi marta musobaqa chorak finalida yutqazdi. Bu Jahon Chempionati antirekordi hisoblandi.
Bundan avval Angliya 1954 (Urugvay, 2:4), 1962 (Braziliya, 1:3), 1970 (GFR, 2:3), 1986 (Argentina, 1:2), 2002 (Braziliya, 1:2) va 2006-yilda (Portugaliya, 0:0, 1:3) mundialdagi yurishini chorak finalda to‘xtatgandi.
Angliya so‘nggi 24 yil ichida Fransiya bilan 9 ta o‘yin o‘tkazdi va ularning bor-yo‘g‘i bittasida g‘alaba qozondi, olti o‘yinda Fransiyaning qo‘li baland kelgan bo‘lsa, ikki uchrashuv durang bilan yakunlangan.
Inglizlar 1966-yilgi Jahon Chempionati g‘olibligidan keyin biror marta yirik musobaqa chempionligini qo‘lga kirita olgani yo‘q.
Mavzuga doir:
Izoh (0)