Boks bo‘yicha sakkiz vazn toifasida sobiq jahon chempioni Menni Pakyao Janubiy Koreyada ko‘rgazmali jangda ishtirok etdi.
Boks afsonasiga koreyalik bloger Di Key Yo raqib bo‘ldi. Olti raundga mo‘ljallangan jang to‘liq davom etdi. So‘nggi raundda Menni raqibini nokdaun holatiga tushirishga muvaffaq bo‘ldi. Ko‘rgazmali jangning yakunida g‘olib nomi e’lon qilinmadi.
43 yoshli Pakyao 2021-yilda WBC kamari uchun Yordenis Ugasga qarshi jangda mag‘lub bo‘lganidan so‘ng faoliyatini yakunlagan edi. Joriy yilning may oyida bo‘lib o‘tgan prezidentlik saylovlarida Menni uchinchi o‘rinni egalladi va Filippin Senatidagi o‘z lavozimidan ayrildi.
Menni ilk bor 1995-yil yanvar oyida Edmund Entingga qarshi professional ringda debyutini o‘tkazgan. O‘sha jangda Pakyao hakamlar qaroriga ko‘ra g‘alaba qozongan. Uning hisobida 62 ta g‘alaba (39 tasi nokaut), 8 ta mag‘lubiyat va 2 ta durang mavjud.
Izoh (0)