Rossiyaning Leningrad viloyati Vsevolojsk tumanida o‘zbekistonlik erkak vatandoshini pichoqladi. Bu haqda 78.ru xabar berdi.
Ma’lum qilinishicha, haydovchi bo‘lib ishlaydigan 33 yoshli Belarus fuqarosi 6-dekabr kuni politsiyaga qo‘ng‘iroq qilgan. U Novosaratovka qishlog‘idagi avtobus bekatida qonga belangan odamni aniqlaganini ma’lum qilgan. Voqea joyiga yetib kelgan politsiya 35 yoshli O‘zbekiston fuqarosi janjal paytida 50 yoshli hamyurtining ko‘krak qafasiga bir necha bor pichoq bilan jarohat yetkazgani aniqlangan. Hodisa 6-dekabr kuni mahalliy vaqt bilan soat 20:00 da yuz bergan.
Jabrlanuvchi og‘ir ahvolda kasalxonaga olib ketilgan va reanimatsiyaga yotqizilgan. O‘zbekistonlik erkaka esa qidiruvga berilgan. Hozirda jinoyat ishi qo‘zg‘atish masalasi hal qilinmoqda.
Eslatib o‘tamiz, Rossiyada noyabr oyida o‘zbekistonlik yigit ayolni pichoqlab o‘ldirishda gumonlangandi. Bunga ayolning g‘amxo‘rlikka javob bermagani sabab qilib ko‘rsatilgan. Yigit ayolni pichoq bilan qo‘rqitib, bo‘g‘ib o‘ldirmoqchi bo‘lgan. Jabrlanuvchi bu haqda politsiya va dugonasiga ham aytgan. Biroq ayol 18-noyabr kuni o‘lik holda topilgan.
Izoh (0)