Rossiyada o‘zbekistonlik yigit ayolni pichoqlab o‘ldirishda gumonlanmoqda

Rossiyada 25 yoshli o‘zbekistonlik yigit 29 yoshli ayolni o‘ldirishda gumon qilinmoqda. Bu haqda “Moskovskiy komsomoles” xabar berdi.

Ma’lum qilinishicha, marhuma olgan pichoq jarohatlari oqibatida halok bo‘lgan. Jabrlanuvchi Moskvaga Donetskdan kelgan. Dugonasi bilan u Sevastopol prospektidagi kvartirada turgan. Uzoq vaqt davomida u “Myasniskiy ryad” do‘konida ishlagan. Qotillikda gumonlangan o‘zbekistonlik yigit ham shu yerda ishlagan.

Ta’kidlanishicha, yigit unga g‘amxo‘rlik qila boshlagan, ayol esa javob bermagan. 17-noyabr kuni yigit ayolni pichoq bilan qo‘rqitib, bo‘g‘ib o‘ldirmoqchi bo‘lgan. Jabrlanuvchi bu haqda politsiya va dugonasiga aytgan. Biroq ayol 18-noyabr kuni o‘lik holda topilgan.

Mazkur holat yuzasidan Rossiya Jinoyat kodeksining 105-moddasi 1-qismi (qotillik) bilan jinoyat ishi qo‘zg‘atilgan. Pichoq jarohatlari bilan marhumaning jasadi o‘likxonaga yuborilgan. Hozirda huquq-tartibot idoralari xodimlari o‘zbekistonlik yigitni qidirmoqda.

Avvalroq O‘zbekistonda qidiruvda bo‘lgan erkak Rossiyada qo‘lga olingani xabar qilingandi. Erkak suddan qochib ketgani uchun O‘zbekistonda qidiruvda bo‘lgan. Hozirda Rossiyadan uni ekstraditsiya qilish ishlari olib borilmoqda.