Ижтимоий тармоқларда профилактика инспекторининг қонуний талабини бажармаётган фуқарога куч ишлатаётгани тасвирланган лавҳа тарқалди. Қашқадарё вилояти ички ишлар бошқармаси ахборот хизмати ҳолат юзасидан муносабат билдирди.
Маълум қилинишича, Чироқчи тумани ИИБ профилактика инспектори У.Муҳаммадиев туманда жойлашган 105-мактабда боғбон бўлиб ишловчи 1962 йилда туғилган фуқаро Б.Қ.га илгари унга нисбатан Маъмурий жавобгарлик тўғрисидаги кодекснинг 40-моддаси (туҳмат) билан юритилган профилактик йиғма жилди билан танишишни сўраган.
Жавобан фуқаро Б.Қ. йиғма жилд билан танишишдан бош тортиб, профилактика инспекторининг ИИБ биносига бориш бўйича қонуний талабини бажармаган ва қаршилик кўрсатган. Видеолавҳада айнан шу жараён тасвирланган.
Ҳолат юзасидан фуқаро Б.Қ.га нисбатан Маъмурий жавобгарлик тўғрисидаги кодекснинг 194-моддаси (ички ишлар органлари ходимининг қонуний талабларини бажармаслик) билан ҳужжатлар расмийлаштирилиб, суд органлари томонидан базавий ҳисоблаш миқдорининг бир бараварида (300 минг сўм) жарима қўлланган. Профилактика инспектори У.Муҳаммадиевнинг ҳаракатлари эса ИИВ Шахсий хавфсизлик хизмати вилоят бошқармаси томонидан ўрганилиб, қонуний деб топилган.
Мавзуга доир:
Изоҳ (1)
НИМАГА БИЗАДА НИМА ГАПЛИГИНИ БИЛМАСДАН ДАРРОВ ВИДЕОГА ОЛИБ ТАРҚАТВОРИШАДИ ШУ ИЛОЖИ БОРИЧА МИЛИТЦИЯ ХОДИМЛАРИНИ ҚОРАЛАШСА ХУДО АСРАСИН ЎША ВИДЕОГА ОГАНЛАНИ БОШИГА БИРОР КУЛФАТ ТУШСА ЁТВОЛИБ ЯЛИНИШАДИ ШУ ЕПХ ХОДИМИЯМ ЎЗИДАН ЎЗИ МАЖБУРЛАМАГАНДУР АХИР