Nukus voqealarida ayblanayotganlar sudida so‘z olgan Lolagul Qallixanova Jo‘qorg‘i Kenges deputatlari judayam passiv bo‘lganini, xalq bilan yetarli darajada muloqot qilmaganini aytdi.
Oldin aytilganidek, Jo‘qorg‘i Kenges deputatlari juda passiv bo‘lgan. Na fuqarolik, na deputatlik pozitsiyasini bildirgan. Shunchaki, passiv odamlar bo‘lgan, xolos. Agar ular xalq bilan biroz maslahat qilganida bunday narsa bo‘lmasdi. Shuning uchun men shunday deb aytganman. Bu qonunbuzilishi ekanligidan xabarim bor. Javobgarlikdan qochmayman, — dedi sudda so‘z olgan jurnalist.
Lolagul Qallixanova sudning “28-iyun kuni ertalabki soat 07:31 da Telegram’dagi “Makan.uz” kanalida Dauletmurat Tajimuratov ishtirokida 22 nafar advokat yig‘ilishi bo‘yicha videomaterial joylashtirilgan. Tajimuratov qatnashgan bu yig‘ilish materialini Sizga kanalga joylashni kim tavsiya qilgandi?”, — deya berilgan savolga “Hech kim tavsiya qilmagan. Kanalimda ko‘rgan bo‘lsangiz, Qoraqalpog‘istonda bo‘layotgan barcha narsani, fleshmob video bo‘lsin, fikr bo‘lsin hammasini joylab kelganman. Hech kim tavsiya qilmagan. O‘z tashabbusim bilan qilganman”, — dedi.
Sudya savolini davom ettirib, “Bu videomaterial Tajimuratovga tegishli kanalda 29-iyun kuni e‘lon qilingan. Siz bu materialni bir kun oldin joylashtirgansiz a?”, deb so‘radi. Bunga javob bergan jurnalist “Menga Telegram-botga kelgandi. Botga kelgan narsani chiqarganman. Makanuzbot degani bor”, — dedi.
Lolagul Qallixanova Telegram kanaliga joylagan videosini sharhlar ekan, “Ochig‘i advokat bo‘lganidan keyin bir narsani bilmasa gaprimasa kerakdir deb o‘ylagandim”, — dedi.
Qallixanovaning aytishicha, Tajimuratovning odamlarni namoyish o‘tkazishga davat qilingani ko‘ringan video ham uning Telegram botiga kelgan.
“Bu videomaterialni kanalingizda e‘lon qilishdan maqsad nima edi?”, — degan savolga javob bergan jurnalist “Qoraqalpog‘istonda shunday voqea bo‘lyapti. Xalq shu darajaga yetib keldi”, degan maqsadda chiqarilgan dedi.
“Makan” internet-nashrining sobiq ma’muri Lolagul Qallixonova sudda o‘z aybiga to‘liq iqror bo‘ldi.
Biz juda katta xatoga yo‘l qo‘ydik, o‘z yurtimizga tosh otdik. Tartibsizliklar paytida har bir insonning o‘limi uning vijdoniga bog‘liq va hech qanday qamoq jazosi bu xatti-harakatlarni oqlay olmaydi, — dedi u.
Mavzuga doir:
Izoh (0)