Farg‘ona viloyati Toshloq tumanida hokimlik ixtiyoridagi xonadonni rasmiylashtirib berishni va’da qilgan firibgarlar ushlandi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departamentning Toshloq tuman bo‘limi tomonidan IIB xodimlari bilan hamkorlikda tezkor tadbir o‘tkazilgan. Unda fuqarolar I.A (muqaddam sudlangan) va D.M. o‘zaro til biriktirib, fuqaro M.O‘.ga 7 000 dollar evaziga Farg‘ona shahar “Qirguli” mavzesidagi shahar hokimligi ixtiyoridagi xonadonni olib berishni va’da qilgani aniqlangan. Ular muqaddam 5 400 dollarni olgan.
Ushbu pullar hisobidan 200 dollarni qaytargan vaqtlarida ashyoviy dalillar bilan ushlangan.
Holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Izoh (0)