Хитой ҳукумати йирик компанияларни, жумладан Alibaba корпорацияси ва Tencent телекоммуникация холдингини АҚШдан мумкин бўлган янги чекловлар фонида яримўтказгич чипларини ишлаб чиқиш учун жалб қилди. Бу ҳақда Financial Times хабар бермоқда.
Нашр маълумотларига кўра, лойиҳада Хитой Фанлар академияси ва бошқа илмий муассасалар ҳам иштирок этмоқда.
Юқори технологияли гигантлар ва илмий муассасалар консорциуми олдига мамлакатнинг Япониянинг SoftBank холдинг компаниясига тегишли бўлган йирик чип ишлаб чиқарувчи — АРМга қарамлигини камайтириш вазифаси қўйилган.
Нашрнинг ёзишича, хитойлик ишлаб чиқувчилар сўнгги йилларда АРМ тизимининг асосий рақобатчисига айланган очиқ RISC-V процессор архитектурасидан фойдаланмоқда.
Бизнинг мақсадимиз — энг юқори даражадаги маҳсулотлар учун АРМ чипларини янги RISC-V асосидагилари билан алмаштириш, — дейди Alibaba Т-ҳеад яримўтказгичлар бўлимининг катта муҳандиси.
2020 йил сентябрь ойида АҚШ Савдо вазирлиги Хитойнинг SMIC компаниясига Америка технология маҳсулотларини етказиб беришга экспорт чекловларини жорий қилди. Бунга Хитой компаниясининг мамлакат қуролли кучлари билан алоқаси борлиги сабаб қилиб кўрсатилган.
Жорий йилнинг октябрь ойи бошида Қўшма Штатлар Хитойнинг 28 технологик компаниясига бутун дунё бўйлаб АҚШда ишлаб чиқарилган яримўтказгич чипларини сотиб олишни чеклади.
Чекловлар нафақат Америка корхоналарини етказиб беришга, балки Америка яримўтказгич технологияларидан фойдаланадиган дунёдаги исталган компанияга ҳам тегишли.
Изоҳ (0)