Lukashenko Belarusga hujum bo‘lgan taqdirda, KXSHT yordam berishiga umid qilmoqda

Belarus uning hududiga boshqa davlat armiyasi bostirib kirgan taqdirda, Kollektiv xavfsizlik shartnomasi tashkiloti (KXSHT) yordamiga “hech qachon qarshi bo‘lmaydi”. Bu haqda respublika prezidenti Aleksandr Lukashenko ma’lum qildi, deb yozadi “Kommersant”. Shu bilan birga, uning fikricha, Belarus bunday sinovlarga o‘zi mustaqil yoki Rossiya bilan koalitsiya tarkibida javob qilish uchun yetarlicha harbiy salohiyatga ega.

“Biz yordamdan voz kechmaymiz. Lekin, bilasizmi, men o‘ylaymanki, biz bunday holatda KXSHTni jalb qilishimizga ham to‘g‘ri kelmaydi. Qanday javob ko‘rsata olishimizni siz tasavvur ham qila olmaysiz”, — dedi Belarus prezidenti teleefir chog‘ida.

Uning aniqlik kiritishicha, oktabr oyida tuzilgan Rossiya va Belarus qurolli kuchlari qo‘shma guruhi shunday javob ko‘rsata oladiki, bundan “faqat Yevropa larzaga kelmaydi”. Yadro quroli qo‘llash muammosi, Aleksandr Lukashenko fikricha, bunday vaziyatda muhokama qilinmaydi.

23-noyabr kuni Belarus prezidenti KXSHT “hech qachon qulamasligi”ni aytgandi. Shu bilan birga, uning ta’kidlashicha, “agar, Xudo ko‘rsatmasin, Rossiya qulasa”, Belarus ham shu vayronalar ostida qoladi.