Беларусь унинг ҳудудига бошқа давлат армияси бостириб кирган тақдирда, Коллектив хавфсизлик шартномаси ташкилоти (КХШТ) ёрдамига «ҳеч қачон қарши бўлмайди». Бу ҳақда республика президенти Александр Лукашенко маълум қилди, деб ёзади «Коммерсантъ». Шу билан бирга, унинг фикрича, Беларусь бундай синовларга ўзи мустақил ёки Россия билан коалиция таркибида жавоб қилиш учун етарлича ҳарбий салоҳиятга эга.
«Биз ёрдамдан воз кечмаймиз. Лекин, биласизми, мен ўйлайманки, биз бундай ҳолатда КХШТни жалб қилишимизга ҳам тўғри келмайди. Қандай жавоб кўрсата олишимизни сиз тасаввур ҳам қила олмайсиз», — деди Беларусь президенти телеефир чоғида.
Унинг аниқлик киритишича, октябрь ойида тузилган Россия ва Беларусь қуролли кучлари қўшма гуруҳи шундай жавоб кўрсата оладики, бундан «фақат Европа ларзага келмайди». Ядро қуроли қўллаш муаммоси, Александр Лукашенко фикрича, бундай вазиятда муҳокама қилинмайди.
23 ноябрь куни Беларусь президенти КХШТ «ҳеч қачон қуламаслиги»ни айтганди. Шу билан бирга, унинг таъкидлашича, «агар, Худо кўрсатмасин, Россия қуласа», Беларусь ҳам шу вайроналар остида қолади.
Изоҳ (0)