Rossiya prezidenti Vladimir Putin Federal majlisga “mamlakatni safarbar qilish” bo‘yicha murojaat yo‘llashni rejalashtirayotgani haqida OAVda tarqalgan xabarlar haqiqatga to‘g‘ri kelmaydi, dedi Putinning matbuot kotibi Dmitriy Peskov.
Butun mamlakat safarbar qilinishi mumkinligi haqida “Pravda.ru” xabar bergan edi. Xabarda yozilishicha, majlisga murojaati davomida Putin “ham askarlar va ofitserlarni, ham iqtisodiyotni” ham safarbar qilish, Rossiyaning yangi global “o‘yin qoidalari” va rossiyaliklarning taqdirini muhokama qiladi.
Bu ma’lumot to‘g‘rimi, degan savolga Peskov “Yo‘q” deb javob berdi.
Putin qaysi sanada Federal majlisga murojaat yo‘llashi hozircha noma’lum. Bu haqda yil oxirigacha ommaga e’lon qilinishi kutilmoqda.
Izoh (0)