Bugun, 23-noyabr kuni Quddus Markaziy avtovokzali yaqinida portlash yuz berdi. Sal keyinroq Ramot-Alon dahasiga kiraverishda ham portlash sodir bo‘ldi. Ikkala hodisa oqibatida 1 kishi halok bo‘lib, 20 kishi jabrlandi, deb xabar bermoqda Jerusalem Post.
Yaralanganlarning ikki nafari og‘ir ahvolda. Politsiya fikricha, ikkala hodisa o‘zaro bog‘liqdir.
Dastlabki ma’lumotlarga ko‘ra, avtovokzal yaqinida avtobusga qo‘yilgan sumka ichidagi bomba portlagan. Kan radiosi xabar berishicha, portlovchi qurilma masofadan turib ishga tushirilgan. Hujumlar takrorlanishining oldini olish maqsadida shahardagi avtovokzallarda tintuvlar o‘tkazilmoqda.
Izoh (0)