Bugun,

  • USD 11095.31
  • RUB 173.84
  • EUR 10772.44

Kiyev va Ukrainaning qator viloyatlariga 23-noyabr kuni raketa zarbalari berildi. Bu haqda “UNIAN” xabar berdi.

Foto: Telegram /@andrii_nebytov

Foto: Telegram /@andrii_nebytov

Mahalliy vaqt bilan soat 14:00 dan keyin Ukraina poytaxtida ketma-ket kuchli portlashlar eshitildi. Kiyevga uchirilgan raketa ikki qavatli binoga zarar yetkazdi. Hodisa oqibatida uch kishi halok bo‘ldi, olti kishi jarohat oldi. Poytaxt meri Vitaliy Klichko portlashlarda to‘qqiz kishi yaralangani haqida xabar berdi. Bundan tashqari, Kiyev viloyatida Rossiya raketalari uy-joy sektori va muhim infratuzilma obyektlariga zarba bergani ma’lum qilindi. Kiyev viloyatida yaradorlar soni 20 dan oshdi.

Nikolayev viloyati davlat ma’muriyati rahbari Vitaliy Kim Rossiya kamida 9 ta “Tu-95” bombardimonchi samolyotini havoga ko‘targani haqida ma’lumot berdi.

Mariupol yaqinidagi aviatsiya kamida 5 ta raketa uchirdi. Raketa zarbasi sababli butun Kiyev bo‘ylab suv ta’minoti to‘xtatildi. Aholidan suv zaxirasini to‘plash so‘raldi.

Bundan tashqari, Lvov viloyatidagi elektr podstansiyasiga zarba berildi, viloyat elektrdan uzildi. Raketa zarbalari tufayli Ukrainaning aksariyat hududlarida elektr ta’minotida favqulodda uzilishlar boshlandi.

“Ukrenergo” elektr ta’minotidagi uzilishlar bir kun davom etishi mumkinligidan ogohlantirdi. Ukraina hukumati Yujnoukrainskaya va Rivne atom elektr stansiyasini avariya holatiga o‘tkazdi. Xmelnitskiy viloyatidagi atom elektr stansiyasi esa Ukraina energetika tizimidan uzildi.

Eslatib o‘tamiz, 15-noybar kuni Rossiya Ukrainaning qator viloyatlariga raketa uchirgandi. Ukraina havo mudofaasi ularni qaytarish chog‘ida uchirgan ikkita raketasi Polshaga kelib tushdi. Oqibatda ikki kishi halok bo‘ldi. Voqea sababli Polsha bosh vaziri Mateush Moraveski xavfsizlik va mudofaa bo‘yicha hukumat qo‘mitasining shoshilinch yig‘ilishini o‘tkazdi. Havoga qiruvchi samolyotlar ko‘tarildi. Rossiya Xavfsizlik kengashi raisi o‘rinbosari Dmitriy Medvedev Polshada qulagan raketa bilan bog‘liq voqea G‘arb jahon urushi ehtimolini oshirayotganini isbotlashini aytdi.

O‘z navbatida, Turkiya prezidenti Polshaga tushgan raketalarning Rossiyaga aloqasi yo‘qligini aytdi. NATO bosh kotibi ham raketalarning Ukrainaga tegishli ekani ehtimoli yuqoriligini bildirdi. Ammo bunda Kiyev aybdor emasligi, Rossiya javobgar ekanini aytdi. Polsha prezidenti ham shunday fikrlarni ilgari surdi. Germaniya va Britaniya esa Polshaga raketa tushishiga “Putin urushi” sababchiligini ta’kidladi.

Izoh
Asosiy yangiliklar
Dunyo
Yevropa gaz iste’molini kamaytirmoqda
Mahalliy
Toshkentda yong‘in oqibatida 2 kishi halok bo‘ldi (video)
Dunyo
Ukraina 2 ta aerodromga dronlar bilan zarba berishga urindi — Rossiya Mudofaa vazirligi