Киев ва Украинанинг қатор вилоятларидаги муҳим инфратузилмаларга учирилган ракеталар туфайли Молдова электр таъминотида узилди. Мамлакат инфратузилма ва минтақавий ривожланиш вазири, бош вазир ўринбосари Андрей Спину бу бўйича маълумот берди.
Ҳурматли фуқаролар, бугун бизда 15 ноябрдаги вазият такрорланмоқда. Россиянинг сўнгги бир соат ичида Украина энергетика тизимини бомбардимон қилганидан сўнг, бутун мамлакат бўйлаб электр таъминотида катта узилишлар кузатилмоқда, — деди у.Молдова президенти Майя Санду ҳам мамлакатдаги электр таъминоти билан боғлиқ муаммоларга муносабат билдирди.
Россия Молдовани зулматда қолдирди. Украинага ракета зарбалари ҳозир ҳам давом этмоқда. Одамлар вайроналар остидан ярадорларини чиқариб олмоқда ва улар ўлган яқинларига мотам тутмоқда. Одамларнинг ҳаётини ортга қайтариб бўлмайди. Лекин электр таъминотини тиклаш мумкин, — дея таъкидлади президент.Сиёсатчи Молдова барча техник муаммоларни албатта ҳал қилишини ва мамлакатда яна электр таъминланишини айтди.
«Ҳозир қанчалик қийин бўлмасин, Молдова эркин дунё сари қолиши керак», — дея хулоса қилди президент.
Маҳаллий оммавий ахборот воситаларига кўра, ҳозирда Молдованинг қатор шаҳарларида электр таъминоти тикланди. Молдова Ташқи ишлар вазирлиги мамлакатдаги электр таъминотидаги узилиш туфайли Россия элчисини чақиртирди.
Изоҳ (0)