Latviya Ta’lim va fan vazirligi 2026 va 2027-o‘quv yilidan boshlab maktab o‘quvchilariga ikkinchi chet tili sifatida rus tilini tanlashni taqiqlamoqchi. Bu haqda BBC xabar berdi.
“Rus tili YI tili hisoblanmagani va tegishli xalqaro shartnomalarda mavjud emasligi sababli uni maktablarda ikkinchi chet tili sifatida o‘rganish taqiqlanadi”, deyiladi xabarda.
Hozirda Latviya maktablarida birinchi chet tili boshlang‘ich sinfdan boshlab o‘qitiladi va bu ingliz tilidir. Ikkinchi chet tilini o‘rganish to‘rtinchi sinfdan boshlanadi. Bundan tashqari, 2021-yilda o‘tkazilgan so‘rovda Latviya maktablarining deyarli yarmida til tanlovi yo‘qligi aniqlandi: 300 dan ortiq maktabda ikkinchi chet tili sifatida faqat rus tili taklif etiladi. Latviya amalga oshirmoqchi bo‘lgan o‘zgarish “yoshlarning Yevropa ta’lim makoniga to‘liq qo‘shilishiga hissa qo‘shishi”dan kelib chiqadi.
Ma’lumot o‘rnida, Estoniya 2030-yilgacha rus maktablarini eston tilida o‘qitishga o‘tkazadi. Bu bo‘yicha tasdiqlangan qonun loyihasi ta’lim tilini eston tiliga o‘tkazish uchun asos va shart-sharoitlar yaratishni nazarda tutadi.
Izoh (0)