Германия канцлери Олаф Шольц мамлакат Украинадаги урушнинг кескинлашишига тайёр бўлиши кераклигини айтди. Бу ҳақда Sky news хабар берди.
Канцлер Берлиндаги иқтисодиёт конференциясида сўзлаган нутқида бу ҳақда гапирди. «Урушнинг ривожланиши ва Россиянинг кўзга кўриниб, кучайиб бораётган муваффақиятсизликларини ҳисобга олган ҳолда, кескинлашувга тайёр бўлишимиз керак. Бу инфратузилмани йўқ қилишни ўз ичига олиши мумкин», — деди у.
Шольц Россия босқинидан кейин эълон қилинган 100 миллиард евро (102,76 миллиард доллар) мудофаа жамғармаси немис армиясининг мудофаа захираларига сабоқ эканини қайд этди. Шунингдек, у Хитойга яқинда қилган сафари икки давлатга ядро қуролига қарши биргаликдаги позициясини ифода этишда ёрдам берганини айтди.
Эслатиб ўтамиз, Украина президенти Владимир Зеленский ўз фуқароларига Россиянинг инфратузилмаларга қилган зарбаси ва мамлакатнинг электр қуввати икки баравар камайиши фонида энергияни тежашга чақирганди. Расмийлар миллионлаб украиналиклар, жумладан, пойтахт Киевда ракета ҳужумлари туфайли электр март ойи охиригача узилиши мумкинлигини прогноз қилган. Россиянинг Украина энергетика объектларини нишонга олиши жанубий Херсон шаҳридан чекинишни ўз ичига олган жанг майдонидаги муваффақиятсизликлардан сўнг содир бўлди.
Ноябрь ойи бошида Туркия президенти Олаф Шольц Россия раҳбарига нисбатан позициясини ўзгартиргани, энди у муросага келиш тарафдори эканини маълум қилганди. Октябрь ойида эса Германия канцлери мамлакат Россия газига қарамликдан қутулганини эълон қилган.
Изоҳ (0)