Isroillik ayol AQSH prezidenti Jo Baydenning tashrifi oldidan Quddusga (Iyerusalim) iyul oyida kelgan Amerika maxfiy xizmati xodimini sudga berdi. Bu haqda ABC News xabar berdi.
Ma’lum qilinishicha, xavfsizlik xodimi mahalliy ayol bilan urishgan, oqibatda AQSHga qaytarib yuborilgan. “Baydenning xavfsizlik xizmatiga qarshi da’vo o‘ttiz yoshli, turmushga chiqmagan isroillik ayol Tamar Ben-Xaim nomidan qo‘zg‘atilgan. U 2022-yil yozda Isroilga kelgan AQSH prezidenti qo‘riqchisi tomonidan shafqatsizlarcha hujumga uchragani va kaltaklanganini aytdi”, deyiladi xabarda.
Da’vo arizasida xavfsizlik xodimining ismi ko‘rsatilmagan. Mazkur hodisa 12-iyul kuni qo‘riqchining Quddusdagi “Maxayn Yeuda” bozoriga kelganidan keyin sodir bo‘lgan.
“Hujumdan so‘ng Tamar sudlanuvchi Jon Doning AQSH Maxfiy xizmati xodimi agenti bo‘lganini bildi, u 2022-yil iyul oyida Baydenning Isroilga tashrifiga tayyorgarlik ko‘rayotgan Maxfiy xizmat guruhi a’zosi edi”, — deydi advokat.
Da’voga ko‘ra, amerikalik ko‘chada isroillik ayolga hujum qilgan. To‘satdan va ogohlantirmasdan uni kaltaklay boshlagan. Soqchiga hamroh bo‘lgan, biroq hujumda ishtirok etmagan shaxs o‘z sherigini olib ketguniga qadar hujum davom etgan.
Hujumdan so‘ng ayolga stressga nisbatan o‘tkir reaksiya tashxisi qo‘yilgan, unga psixoterapevtga muntazam qatnash buyurilgan.
Avvalroq Germaniyada 101 yoshli konslager sobiq qo‘riqchisi besh yilga qamalgandi. U Xolokost davridagi jinoyatlar uchun sudlangan eng keksa shaxs bo‘lgan.
Izoh (0)