Қашқадарё вилояти Шаҳрисабз туманида фуқарога енгилроқ жазо тайинлатиб беришни ваъда қилган шахс ушланди. Бу ҳақда Иқтисодий жиноятларга қарши курашиш департаменти ахборот хизмати хабар берди.
Бош прокуратура ҳузуридаги департаментнинг Шаҳрисабз тумани бўлими томонидан терговга қадар текширув ўтказилган. Унда Ф.С. (муқаддам судланган) фуқаро Д.М.нинг ишончига кириб, унинг транспортдан фойдаланиш хавфсизлиги қоидаларини бузгани юзасидан ИИБ органларида тергов ҳаракатлари олиб борилаётган жиноят иши бўйича танишлари орқали енгилроқ жазо тайинлатиб бериш эвазига 3 100 доллар ва 23 миллион сўмини фирибгарлик йўли билан қўлга киритгани аниқланган. Ф.С. ўз ихтиёри билан ушбу олган пуллари ҳисобидан 500 минг сўмни қайтаргани процессуал тартибда расмийлаштирилган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
Изоҳ (0)