O‘zbekistonda 2022-yilning 1-noyabr holatiga ko‘ra, muomaladagi bank kartalari soni 32,4 million donaga yetgan. Bu haqda Markaziy bank ma’lum qildi.
Sentabr oyida kartalar soni yil boshidan beri eng ko‘p — 620 mingtaga keskin ko‘paygan edi. Oktabrda bu ko‘rsatkich 577 ming donani tashkil qilgan. Yil boshidan beri 5,3 mln dona bank kartasi muomalaga kiritilgan.
O‘tgan oyda banklar va to‘lov tashkilotlari tomonidan o‘rnatilgan bankomat va infokiosklar soni 19,7 mingtani tashkil etgan.
Muomalaga kartalar chiqarish bo‘yicha banklar orasida 6,3 mln dona karta bilan “Xalq banki” yetakchilik qilmoqda.
Ikkinchi o‘rinni 3,9 mln bank kartasi bilan “Agrobank” egallagan bo‘lsa, 3,1 mln ko‘rsatkich bilan “Ipoteka bank” uchinchi bo‘ldi.
O‘rnatilgan bankomat va infokiosklar bo‘yicha “Kapitalbank” bu oyda ham “Agrobank”ni ortda qoldirib birinchi o‘ringa chiqib oldi — 2 101 ta. “Agrobank”da bu borada atigi 3 dona bankomat kamroq va ikkinchi o‘rinda.
Izoh (0)