“Turkistonbank” omonatchilarining mablag‘lari muddatidan avval qaytariladi

O‘zbekiston Markaziy banki boshqaruvining 2022-yil 7-oktabrdagi qaroriga asosan “Turkiston” xususiy bankidan bank faoliyatini amalga oshirish huquqini beruvchi litsenziya chaqirib olingan edi.

Fuqarolarning banklardagi omonatlarini kafolatlash fondi Kuzatuv kengashining 2022-yil 18-noyabrdagi qaroriga asosan “Turkistonbank” omonatchilarining mablag‘larini muddatidan avval qaytirilishi belgilandi.

21-noyabrdan boshlab “Turkistonbank” omonatchilari bo‘lgan jismoniy shaxslar omonatga joylashtirgan mablag‘lari yuzasidan agent-bank sifatida tanlangan “Qishloq qurilish bank”ka murojaat etishlari mumkin.

Ta’kidlanishicha, omonatchilar qaytarib olinayotgan pul mablag‘larini o‘zlari xohlagan tarzda — naqd pul shaklida olishi, bank kartasiga ko‘chirishi yoki agent-bank bo‘lgan “Qishloq qurilish bank”ka omonatga qo‘yishi mumkin.

Fuqarolarning omonatlari bo‘yicha tegishli hujjatlarning asl nusxalari (pasport, omonat daftarchasi, omonat shartnomasi, notarius tomonidan tasdiqlagan ishonchnoma) ko‘rsatilgan taqdirda omonatchilarning qonuniy vakillariga yoki ularning huquqiy vorislariga ham to‘lab beriladi.

Mavzuga doir: 

• “Turkistonbank”da 339 mlrd, Hi-Tech Bank’da esa 5 mlrd so‘m omonatlar bo‘lgan. Banklar faoliyati nega to‘xtatildi?
• O‘zbekiston banklarida muammoli kreditlar ikki oylik ko‘payishdan so‘ng pasaydi
• O‘zbekistonning bir nechta banklari birinchi chorakni zarar bilan yakunladi