Ўзбекистонда банк карталари сони 32 млн донадан ошди

Ўзбекистонда 2022 йилнинг 1 ноябрь ҳолатига кўра, муомаладаги банк карталари сони 32,4 миллион донага етган. Бу ҳақда Марказий банк маълум қилди.

Сентябрь ойида карталар сони йил бошидан бери энг кўп — 620 мингтага кескин кўпайган эди. Октябрда бу кўрсаткич 577 минг донани ташкил қилган. Йил бошидан бери 5,3 млн дона банк картаси муомалага киритилган.

Ўтган ойда банклар ва тўлов ташкилотлари томонидан ўрнатилган банкомат ва инфокиосклар сони 19,7 мингтани ташкил этган. 

Муомалага карталар чиқариш бўйича банклар орасида 6,3 млн дона карта билан «Халқ банки» етакчилик қилмоқда.

Иккинчи ўринни 3,9 млн банк картаси билан «Агробанк» эгаллаган бўлса, 3,1 млн кўрсаткич билан «Ипотека банк» учинчи бўлди. 

Ўрнатилган банкомат ва инфокиосклар бўйича «Капиталбанк» бу ойда ҳам «Агробанк»ни ортда қолдириб биринчи ўринга чиқиб олди — 2 101 та. «Агробанк»да бу борада атиги 3 дона банкомат камроқ ва иккинчи ўринда.