Buyuk Britaniya do‘konlaridagi o‘g‘irliklar soni yil davomida 18 foizga oshgan. Bunga energetika inqirozining kuchayishi oqibatida fuqarolarning turmush darajasining pasayishi, shuningdek, mamlakatda inflyatsiyaning o‘sishi sabab bo‘ldi. Bu haqda chakana va ulgurji sotuvchilar ma’lumotlariga tayanib Bloomberg xabar bermoqda.
Oktabr oyida oziq-ovqat narxlari rekord darajadagi 14,7 foizga o‘sdi, bu esa o‘rtacha yillik xarid to‘lovini 682 funt sterlingga (taxminan 810 dollar) oshirdi.
Maqolada aytilishicha, avgust oyida yuzdan ortiq chakana sotuvchilar Britaniya politsiyasini savdo jinoyatlariga e’tibor qaratishga chaqirgan.
Buyuk Britaniyadagi do‘konlarda o‘g‘irliklarning ko‘payishi ko‘plab chakana sotuvchilarning himoya choralarini ko‘rishiga olib keldi.
Shunday qilib, joriy yil boshida Tesco xavfsizlik choralarini, shu jumladan do‘kon xodimlariga nisbatan ham kuchaytirdi. Shu bilan birga, chakana savdo tarmog‘i direktorlar kengashi raisi Jon Allan hamdard emasligini, lekin o‘g‘irlik kabi chorasiz choralarga murojaat qilayotgan fuqarolarning umidsizlik darajasini tushunishini aytdi.
Men do‘konlarda o‘g‘irlik qilayotgan odamlarni yonini olmoqchi emasman, lekin umidsiz aholini bunday choralar ko‘rayotganini tushunaman, — deydi Buyuk Britaniya Chakana savdo tarmog‘i direktorlar kengashi raisi Jon Allan.
19-noyabr kuni The Guardian budjet mas’uliyati idorasi (OBR) prognozlariga tayanib, Buyuk Britaniyadagi uy xo‘jaliklari kuzatuvlar boshlanganidan beri turmush darajasining eng sezilarli pasayishiga duch kelishini xabar qildi.
Shu bilan birga, inflyatsiyaning keskin o‘sishi mahalliy iqtisodiyotni uzoq davom etadigan retsessiyaga olib keladi.
Izoh (0)