O‘zbekistonda banan importi 2022-yilning yanvar—oktabr oylarida 53,3 ming tonnaga oshgan. Bu haqda Davlat statistika qo‘mitasi matbuot xizmati xabar bermoqda.
Yil boshidan beri O‘zbekistonga 112,3 ming tonna banan import qilingan. Banan importi o‘tgan yilga qaraganda deyarli ikki barobar ko‘paygan.
O‘zbekiston deyarli barcha bananlarni Ekvadordan olib kelmoqda — 102,5 ming tonna. Sentabr oyining o‘zida 27 ming tonna banan ushbu davlatdan O‘zbekistonga keltirilgan edi. Oktabrda bu ko‘rsatkich 7,9 tonnani tashkil qildi.
Yanvar—oktabr oylarida Ekvadordan tashqari O‘zbekistonga banan Qozog‘iston (426 tonna), Turkiya (197 tonna) va Hindistondan (144 tonna) import qilingan.
Biroq O‘zbekiston to‘rt oydan beri bananni faqat Ekvadordan sotib olmoqda. Oxirgi marta banan boshqa mamlakatlardan iyun oyida import qilingan edi.
Mavzuga doir:
- O‘zbekistonda 23 turdagi asosiy oziq-ovqat mahsulotlari uchun bekor qilingan import boji muddati uzaytirildi
- Ummon kompaniyasi O‘zbekistondan quritilgan mevalar importini oshiradi
- Qashshoq mamlakatlar uchun eng qiyin vaziyat: global oziq-ovqat importi xarajatlari yil oxirigacha oshishi prognoz qilindi. O‘zbekistonda vaziyat qanday?
Izoh (0)