Parijda bo‘lib o‘tgan O‘zbekiston va Fransiya ishbilarmon doiralari o‘rtasidagi aloqalarni har tomonlama mustahkamlashga qaratilgan O‘zbekiston–Fransiya biznes forumi doirasida Electricity De France kompaniyasi vitse-prezidenti Biatrichi Buffon jurnalistlarga kichik intervyu berdi, deb xabar qilmoqda “Daryo” muxbiri.
Quyida kompaniya vitse-prezidenti bilan uyushtirilgan suhbat dialog shaklida keltiriladi.
— O‘zbekistonda ikkita katta loyihangiz bor. Biznesingizni kengaytirish uchun yana nimalarni reja qilgansiz?
— EDF O‘zbekistonga sarmoya kiritishni ikki yil avval boshlagan. Biz hamkorlikni davom ettirish va investitsiya kiritishdan mamnunmiz. Bugun o‘zbekistonlik hamkorlar bilan yangi kelishuvlarga erishdik, endi yanada ko‘p sarmoya kiritamiz.
— Loyihalarning umumiy quvvati qanday?
— Bizda bir qancha loyihalar bor. Umumiy quvvati 400 megavattlik gidroelektrostansiya hamda 1,6 gegavatt issiqlik elektr stansiyasi qurish niyatidamiz.
— Bu uchun qancha investitsiya kiritiladi?
Biz juda ko‘p sarmoya kiritamiz. Aniq miqdor yaqin yillar ichida ma’lum bo‘ladi.
— Qaysi yo‘nalishlarga sarmoya kiritasiz?
Biz rivojlanadigan sohalarga investitsiya kiritishni xohlaymiz. Shuning uchun agar O‘zbekistonga sarmoya qilish kerak bo‘lsa, buni hamkorlar bilan maslahatlashgan holda amalga oshiramiz.
— O‘zbekistonga investitsiya kiritmoqchi bo‘lganlar uchun sharoitlar haqida fikringiz.
Biz O‘zbekistonga investitsiya kiritishga qaror qildik, negaki biz avval iqtisodiyotingizni tahlil qildik. Analizlar shuni ko‘rsatdiki, mamlakatda investorlar uchun juda yaxshi sharoit bor. Chunki sizlarda 2030, 2050-yillargacha bo‘lgan maqsadlar bor, “yashil iqtisod” kabi yo‘nalishlar mavjud. Shuningdek, prezidentingiz tomonidan aytilgan prinsiplar, masalan, korrupsiyaga qarshi kurashish yo‘llari bizga ma’qul keldi. Shunday ekan, investorlar uchun yaxshi sharoit bor deb ayta olaman.
Izoh (0)