Navoiyda pora bilan qo‘lga tushgan 2 soliqchi qamaldi

Ijtimoiy tarmoqlarda 19-noyabr kuni “Navoiy viloyati soliq boshqarmasi savdo bo‘limi xodimlari tadbir davomida qo‘lga olingan” nomli xabar tarqatildi. Holat yuzasidan viloyat prokuraturasi rasmiy ma’lumot e’lon qildi.

Qayd etilishicha, huquqni muhofaza qiluvchi organlar tomonidan tezkor tadbir o‘tkazilgan. Unda Navoiy viloyati Davlat soliq idorasi xodimlari — Z.A. va B.Sh. MCHJga qarashli kafeda o‘tkazilgan sayyor soliq tekshiruvi natijasini tadbirkor foydasiga ijobiy hal qilib berish evaziga 10 ming dollar talab qilib, 18-noyabr kuni Navoiy shahrida kimyoviy ishlov berilgan 9 ming dollarni jamiyat rahbaridan olgan vaqtida ashyoviy dalillar bilan ushlangan.

Mazkur holat yuzasidan Z.A. va B.Sh.ga nisbatan Jinoyat kodeksining 210-moddasi (pora olish) 2-qismi bilan jinoyat ishi qo‘zg‘atilgan. Jinoyat ishi yuzasidan viloyat prokuraturasi tomonidan olib borilayotgan tergov harakatlari davomida qamoqqa olish tarzidagi ehtiyot chorasi qo‘llangan.

Mavzuga doir:

• Namanganda gaz ta’minoti bo‘limi xodimi qariyb 5 mln so‘m pora bilan ushlandi
• Xorazmda hokim o‘rinbosari 6 yilga qamaldi
• Taxiatosh tumani hokimi 100 mln so‘m porani turmush o‘rtog‘i orqali olgani ma’lum bo‘ldi