«Таҳлиллар шуни кўрсатдики, мамлакатингизда инвесторлар учун жуда яхши шароит бор» — EDF компанияси вице-президенти

Парижда бўлиб ўтган Ўзбекистон ва Франция ишбилармон доиралари ўртасидаги алоқаларни ҳар томонлама мустаҳкамлашга қаратилган Ўзбекистон–Франция бизнес форуми доирасида Electricитй Де France компанияси вице-президенти Биатричи Буффон журналистларга кичик интервью берди, деб хабар қилмоқда «Дарё» мухбири.

Қуйида компания вице-президенти билан уюштирилган суҳбат диалог шаклида келтирилади.

— Ўзбекистонда иккита катта лойиҳангиз бор. Бизнесингизни кенгайтириш учун яна нималарни режа қилгансиз?

— EDF Ўзбекистонга сармоя киритишни икки йил аввал бошлаган. Биз ҳамкорликни давом эттириш ва инвестиция киритишдан мамнунмиз. Бугун ўзбекистонлик ҳамкорлар билан янги келишувларга эришдик, энди янада кўп сармоя киритамиз.

— Лойиҳаларнинг умумий қуввати қандай?

— Бизда бир қанча лойиҳалар бор. Умумий қуввати 400 мегаваттлик гидроэлектростанция ҳамда 1,6 гегаватт иссиқлик электр станцияси қуриш ниятидамиз.

— Бу учун қанча инвестиция киритилади?

Биз жуда кўп сармоя киритамиз. Аниқ миқдор яқин йиллар ичида маълум бўлади.

— Қайси йўналишларга сармоя киритасиз?

Биз ривожланадиган соҳаларга инвестиция киритишни хоҳлаймиз. Шунинг учун агар Ўзбекистонга сармоя қилиш керак бўлса, буни ҳамкорлар билан маслаҳатлашган ҳолда амалга оширамиз.

— Ўзбекистонга инвестиция киритмоқчи бўлганлар учун шароитлар ҳақида фикрингиз.

Биз Ўзбекистонга инвестиция киритишга қарор қилдик, негаки биз аввал иқтисодиётингизни таҳлил қилдик. Анализлар шуни кўрсатдики, мамлакатда инвесторлар учун жуда яхши шароит бор. Чунки сизларда 2030, 2050 йилларгача бўлган мақсадлар бор, «яшил иқтисод» каби йўналишлар мавжуд. Шунингдек, президентингиз томонидан айтилган принциплар, масалан, коррупцияга қарши курашиш йўллари бизга маъқул келди. Шундай экан, инвесторлар учун яхши шароит бор деб айта оламан.