Srechko Katanes: “Rossiya bilan o‘yinga tayyormiz”

O‘zbekiston terma jamoasi bosh murabbiyi Srechko Katanes Rossiyaga qarshi o‘yin oldidan o‘z fikrlari bilan o‘rtoqlashdi.

O‘yin haqida

Assalomu alaykum. Qisqa gapiradigan bo‘lsam, Rossiya bilan o‘yinga tayyormiz. Kuchli jamoaga qarshi o‘ynaymiz. Qozog‘iston bilan o‘yindan keyin tiklanishga harakat qildik. Mavsum oxiri va charchoq bo‘lishi tabiiy.

Rossiyaning Tojikiston bilan o‘yini haqida

Ha, albatta o‘yinni ko‘rdim. Birinchi navbatda bahs sun’iy maydonda o‘ynalganini aytish kerak. Men sun’iy maydonda o‘ynashni hatto boshqa sport turi deb atagan bo‘lardim. Shaxsan menga sun’iy maydonda o‘rtoqlik uchrashuvini taklif qilishsa darhol yo‘q deyman. Bunday maydonda hatto to‘p ham boshqacha yuradi va sakraydi.

Rossiya safida ko‘p futbolchilar debyut qildi. Tojikiston terma jamoasi ham yaxshi o‘ynadi. O‘yindan avval jurnalistlar Tojikiston autsayder deyishlari mumkin, ammo futbol o‘zgardi. Hozir bunday agressiv va yaxshi himoyalana oladigan jamoaga qarshi o‘ynash qiyin.

Rossiyaga qarshi agressiv o‘yin ko‘rsatish borasida

Albatta, jamoamdan shunday o‘ynashni so‘rayman. Rossiya va O‘zbekiston chempionatlarini taqqoslasak ham farqni ko‘rishimiz mumkin.

O‘runovga imkon berib, Abduxoliqov zaxirada qoldirilgani haqida

Abduxoliqovning o‘yinlarini kuzatib boraman. Odatda men klubsiz futbolchilarni terma jamoaga chaqirmayman. Ammo O‘runovda menga kerak bo‘lgan jihatlar borligi uchun chaqirdim. O‘runov va Abduxoliqovning pozitsiyalari boshqacha.

Shomurodov o‘yinni boshladi, uning o‘rniga Sergeyev tushdi. O‘runov qanotlarda ham o‘ynay oladi, Bobur ham bu joyda to‘p tepa oladi. Ammo men shunday qaror qildim, albatta, men sizning fikringizni ham hurmat qilaman.

Himoyaning kuchsizligi borasida

Doim himoyamiz kuchsiz degan savol beriladi, ammo himoya hujumdan boshlanadi. Agar barcha pozitsiyalar yaxshi o‘ynasa natija ijobiy bo‘ladi. Hujumchi va yarim himoyachilar o‘z ishini yaxshi qilmasa demak himoyachilarga ish ko‘payadi. Zamonaviy futbolchi har bir pozitsiyada alohida o‘ynashi ilojsiz. Kuchli jamoalarga qarasangiz himoyalanishga faqat himoyachilar javobgar emas. Himoyachi beradigan birinchi pas hujumga shiddat berishi mumkin.

Valeriy Karpin Shomurodovni “qiyshiq oyoq” deb chaqirishi haqida

U mana shu oyoqlari bilan juda ko‘p gollar urdi, demak oyog‘i mana shunday qola qolsin (kuladi).

Srechko Katanes, O‘zbekiston terma jamoasi bosh murabbiyi