Dunyoda 19-noyabr — Xalqaro erkaklar kuni sifatida tan olingan bo‘lib, hozirgi kunda ushbu sanani Yer yuzining 60 dan ortiq mamlakatlari bayram sifatida keng nishonlaydi. O‘zbekistonda esa mazkur sana rasmiy bayram sifatida tan olinmagan.
Mamlakatimizda ham Erkaklar kuni 8-mart — Xalqaro xotin-qizlar kuni singari bayram sifatida nishonlanishi va ushbu sana dam olish kuni sifatida qayd etilishi kerakmi? Ushbu savol bilan “Daryo” muxbiri aholining ayrim vakillariga yuzlanib, kichik so‘rovnoma o‘tkazdi.
So‘rovnomada ishtirokchilaridan biri Erkaklar kunini nishonlash kerak emasligini aytib o‘tdi.
“Umuman kerak emas. Erkaklarga o‘zi har doim bayram”, — dedi u.
Boshqa bir suhbatdosh esa aksincha, bu kunni bayram qilib o‘tkazish kerakligini ta’kidladi.
“Bayram qilsa, bo‘ladi. Erkaklar ko‘p ishlaydi. Ishlagandan keyin dam olib bayram qilishi kerak”, — dedi suhbatdosh.
Yana bir fikr bildiruvchi bayram faqat ayollar uchun bo‘lgani ma’qulligini aytdi.
“Bayram ayol kishi uchun bo‘lsa bo‘ldi. Erkaklar uchun har kuni dam olish bo‘ladi. Erkaklarning oyda bir marotaba choyxonasi ham bor”, — dedi u.
Avval e’lon qilingan kichik so‘rovnomalar:
- “Internetda tarqalib ketadi”. Jamoatchilik Toshkentdagi maktabda qizlar kiyim almashtiriladigan xonaga kuzatuv kamerasi qo‘yilishini qoralamoqda (video) — «Daryo»
- “Odamlar o‘lib ketyapti, oddiy odamlar tushungan narsani rahbarlar tushunmayapti” — Rossiya va Ukraina mojarosi haqida o‘zbekistonliklar qanday fikrda? — «Daryo»
- “Kredit — o‘zini o‘zi qarzga botirish”, “Aqidamizga to‘g‘ri kelmaydi” — “Daryo” aholi orasida kichik so‘rovnoma o‘tkazdi — «Daryo»
- “Safarbarlikdan qochgan rus fuqarolarining O‘zbekistonga kirib kelgani qimmatchilikka olib keldi, ijara narxlari oshib ketdi” — “Daryo”da kichik so‘rovnoma — «Daryo»
- “Chang to‘zoni — oxirzamon alomati”. “Daryo”da kichik so‘rovnoma — «Daryo»
Izoh (0)