Дунёда 19 ноябрь — Халқаро эркаклар куни сифатида тан олинган бўлиб, ҳозирги кунда ушбу санани Ер юзининг 60 дан ортиқ мамлакатлари байрам сифатида кенг нишонлайди. Ўзбекистонда эса мазкур сана расмий байрам сифатида тан олинмаган.
Мамлакатимизда ҳам Эркаклар куни 8 март — Халқаро хотин-қизлар куни сингари байрам сифатида нишонланиши ва ушбу сана дам олиш куни сифатида қайд этилиши керакми? Ушбу савол билан «Дарё» мухбири аҳолининг айрим вакилларига юзланиб, кичик сўровнома ўтказди.
Сўровномада иштирокчиларидан бири Эркаклар кунини нишонлаш керак эмаслигини айтиб ўтди.
«Умуман керак эмас. Эркакларга ўзи ҳар доим байрам», — деди у.
Бошқа бир суҳбатдош эса аксинча, бу кунни байрам қилиб ўтказиш кераклигини таъкидлади.
«Байрам қилса, бўлади. Эркаклар кўп ишлайди. Ишлагандан кейин дам олиб байрам қилиши керак», — деди суҳбатдош.
Яна бир фикр билдирувчи байрам фақат аёллар учун бўлгани маъқуллигини айтди.
«Байрам аёл киши учун бўлса бўлди. Эркаклар учун ҳар куни дам олиш бўлади. Эркакларнинг ойда бир маротаба чойхонаси ҳам бор», — деди у.
Аввал эълон қилинган кичик сўровномалар:
- «Интернетда тарқалиб кетади». Жамоатчилик Тошкентдаги мактабда қизлар кийим алмаштириладиган хонага кузатув камераси қўйилишини қораламоқда (видео) — «Дарё»
- «Одамлар ўлиб кетяпти, оддий одамлар тушунган нарсани раҳбарлар тушунмаяпти» — Россия ва Украина можароси ҳақида ўзбекистонликлар қандай фикрда? — «Дарё»
- «Кредит — ўзини ўзи қарзга ботириш», «Ақидамизга тўғри келмайди» — «Дарё» аҳоли орасида кичик сўровнома ўтказди — «Дарё»
- «Сафарбарликдан қочган рус фуқароларининг Ўзбекистонга кириб келгани қимматчиликка олиб келди, ижара нархлари ошиб кетди» — «Дарё»да кичик сўровнома — «Дарё»
- «Чанг тўзони — охирзамон аломати». «Дарё»да кичик сўровнома — «Дарё»
Изоҳ (0)