AQSHning O‘zbekistondagi yangi elchisi Jonatan Xennik Toshkentda o‘tkazgan ilk matbuot anjumanida O‘zbekistonning Turkiy davlatlar tashkiloti (TDT) a’zosi sifatidagi roli haqida fikr yuritdi. Noyabr oyi boshida Samarqandda “Turk sivilizatsiyasining yangi davri: umumiy taraqqiyot va farovonlik sari” mavzusidagi TDT sammiti bo‘lib o‘tgan edi.
Biz O‘zbekistonni Turkiy davlatlar tashkilotining muhim hamkori sifatida ko‘ramiz. Shuningdek, tashkilotdagi ko‘plab davlatlar, jumladan, NATO bo‘yicha hamkorimiz Turkiya bilan ham yaxshi munosabatlarga egamiz. Yaqin vaqtga qadar Turkiyaning Istanbul shahrida AQSH Bosh konsuli sifatida ishladim. U yerda Turkiy davlatlar tashkiloti bosh kotibining ofisiga tashrif buyurdim. Biz hamkorlikning ko‘plab yo‘nalishlarini belgilab olish haqida qizg‘in suhbat o‘tkazdik. Qo‘shma Shtatlar ushbu tashkilot va ular qilayotgan ishlarga juda ijobiy nuqtayi nazar bilan qarashini ta’kidlagan bo‘lardim.Shuningdek, AQSH elchisi O‘zbekiston g‘oyat uzoq va boy madaniy tarixga ega ekanini ta’kidladi.Biz madaniyat va til sohalarini ham muhokama qildik. Men bosh kotibga AQSH, TDTga a’zo davlatlarning har biridagi elchixonalarimiz ushbu mamlakatlarning madaniyati va mahalliy tillarini qo‘llab-quvvatlash bo‘yicha juda kuchli dasturlarga ega ekanini, shu jumladan O‘zbekistonda ham ba’zi tarixiy madaniy obyektlarni asrab-avaylash bo‘yicha dasturlar va O‘zbekistondan tashqaridagi teledasturlarni O‘zbekistonda o‘zbek tilida ko‘rish imkonini beruvchi boshqa dasturlar mavjudligini tushuntirdim, — dedi elchi Jonatan Xennik.
AQSH elchixonasi o‘zbek madaniyatini asrab-avaylash va mustahkamlashda hamisha O‘zbekiston hukumati va o‘zbek xalqining hamkori bo‘lib qoladi. TDT istiqbolli tashkilot, ammo uning maqsadlarini a’zolar birgalikda hal qiladi”, — deb qo‘shimcha qildi elchi.AQSH elchisi, shuningdek, O‘zbekiston hukumati madaniyati, o‘zbek tilini targ‘ib qilish va mamlakat tarixini o‘rganishni kuchaytirish borasida ulkan ishlarni amalga oshirayotganini qayd etdi.
Izoh (0)