АҚШнинг Ўзбекистондаги янги элчиси Жонатан Хенник Тошкентда ўтказган илк матбуот анжуманида Ўзбекистоннинг Туркий давлатлар ташкилоти (ТДТ) аъзоси сифатидаги роли ҳақида фикр юритди. Ноябрь ойи бошида Самарқандда «Турк цивилизациясининг янги даври: умумий тараққиёт ва фаровонлик сари» мавзусидаги ТДТ саммити бўлиб ўтган эди.
Биз Ўзбекистонни Туркий давлатлар ташкилотининг муҳим ҳамкори сифатида кўрамиз. Шунингдек, ташкилотдаги кўплаб давлатлар, жумладан, НАТО бўйича ҳамкоримиз Туркия билан ҳам яхши муносабатларга эгамиз. Яқин вақтга қадар Туркиянинг Истанбул шаҳрида АҚШ Бош консули сифатида ишладим. У ерда Туркий давлатлар ташкилоти бош котибининг офисига ташриф буюрдим. Биз ҳамкорликнинг кўплаб йўналишларини белгилаб олиш ҳақида қизғин суҳбат ўтказдик. Қўшма Штатлар ушбу ташкилот ва улар қилаётган ишларга жуда ижобий нуқтаи назар билан қарашини таъкидлаган бўлардим.Шунингдек, АҚШ элчиси Ўзбекистон ғоят узоқ ва бой маданий тарихга эга эканини таъкидлади.Биз маданият ва тил соҳаларини ҳам муҳокама қилдик. Мен бош котибга АҚШ, ТДТга аъзо давлатларнинг ҳар биридаги элчихоналаримиз ушбу мамлакатларнинг маданияти ва маҳаллий тилларини қўллаб-қувватлаш бўйича жуда кучли дастурларга эга эканини, шу жумладан Ўзбекистонда ҳам баъзи тарихий маданий объектларни асраб-авайлаш бўйича дастурлар ва Ўзбекистондан ташқаридаги теледастурларни Ўзбекистонда ўзбек тилида кўриш имконини берувчи бошқа дастурлар мавжудлигини тушунтирдим, — деди элчи Жонатан Хенник.
АҚШ элчихонаси ўзбек маданиятини асраб-авайлаш ва мустаҳкамлашда ҳамиша Ўзбекистон ҳукумати ва ўзбек халқининг ҳамкори бўлиб қолади. ТДТ истиқболли ташкилот, аммо унинг мақсадларини аъзолар биргаликда ҳал қилади», — деб қўшимча қилди элчи.АҚШ элчиси, шунингдек, Ўзбекистон ҳукумати маданияти, ўзбек тилини тарғиб қилиш ва мамлакат тарихини ўрганишни кучайтириш борасида улкан ишларни амалга ошираётганини қайд этди.
Изоҳ (0)