Алишер Усмоновнинг USM Gold компанияси олтин қазиб олишга сармоя киритишда янги лойиҳалар излашни тўхтатди ва ходимларни ишдан бўшатди. Бу ҳақда «РБК» хабар бермоқда.
2022 йил август ойида бутун USM холдинг раҳбарлигига Еркўжа Акилбек тайинланган. Холдингда 15 га яқин киши ишлаган, яъни лойиҳа стартап мақомига эга эди. Ҳозирда компания томонидан 2022 йил январь ойида яратилган сайтларнинг ҳеч бири фаол эмас.
Маълумотларга кўра, USM Gold жамоаси Россия, Ўзбекистон ва Қозоғистонда олтин қазиб олиш ва геология-разведка лицензиялари бўйича мавжуд лойиҳаларни кўриб чиққан.
Аммо раҳбарият акциядорларга потенциал қизиқарли активларни тақдим этгандан сўнг, уларни сотиб олмасликка қарор қилинди ва лойиҳа жамоаси ишдан бўшатилган.
Уруш бошланганидан кейин мавжуд лойиҳаларига таъсир кўрсатган Ғарб санкциялари ортидан ўзгариб бораётган бозор шароитларида USM акциядорлари янги олтин қазиб олиш секторига кирмасликка қарор қилди.
Олтин активларини қидиришни тўхтатилди, чунки шериклар холдинг ушбу бизнесга кириши керак ёки йўқлиги ҳақида бир тўхтамга кела олмаган. Шундан сўнг, холдинг ўзи учун манфаатли бўлган асосий лойиҳаларга эътибор қаратишга қарор қилган.
Аввалроқ Ўзбекистон Европа Иттифоқидан Алишер Усмоновга нисбатан санкцияларни бекор қилишни сўраётгани ҳақида хабар берилганди.
Изоҳ (0)