Suriya shimolida Turkiya xavfsizlik kuchlari Istanbulning Istiqlol ko‘chasida sodir etilgan teraktga aloqadorlikda gumon qilib, bir kishini qo‘lga oldi. Bu haqda A Haber telekanali xabar bermoqda.
Turkiya politsiyasi talqiniga ko‘ra, terrorchilik tashkiloti a’zosi Istanbulda portlash sodir etgan terrorchilarga yordam berib turgan.
Shu tariqa, telekanal qayd etishicha, terakt yuzasidan qo‘lga olinganlar soni 51 kishiga yetgan.
Istanbulning Beyo‘g‘li tumanida sayyohlar orasida eng ommabop bo‘lgan joylardan biri — Istiqlol ko‘chasida 13-noyabr kuni portlash yuz bergan edi. Olti kishi halok bo‘lib, 81 kishi jabrlangan. Istanbul Bosh prokuraturasi portlashni terakt deb baholadi.
Teraktdan keyin ertasi kuni Turkiya hukumati bu jinoyatga aloqadorlikda gumon qilinib, 46 kishi qo‘lga olinganini ma’lum qildi. Ular orasida 23 yoshli ayol — Suriya fuqarosi ham bo‘lib, u bombani portlatishda ayblanmoqda. Politsiya da’vo qilishicha, uning “Kurdiston ishchilar partiyasi” bilan bog‘liqligi bor. Bu Turkiya armiyasining Suriyada 2016-yildan buyon beshinchi operatsiyasidir.
Mavzuga doir:
Izoh (0)