Rossiya qo‘shinlarining Ukrainaga kirishi fonida mamlakat hukumati davlatni saqlab qolish va harbiy xizmatchilarning ruhini ko‘tarish maqsadida aholini evakuatsiya qilmadi, deb tushuntirdi Ukraina prezidenti Vladimir Zelenskiy.
“Agar Ukrainada odamlar bo‘lmaganida, biz davlatimizni qo‘ldan bergan bo‘lardik”, — dedi Zelenskiy.
Uning aytishicha, Kiyevga birinchi raketa hujumidan keyin shaharning barcha aholisini evakuatsiya qilish, do‘konlar, infratuzilmani yopish va elektr energiyasini o‘chirish taklifi o‘rtaga tashlangan. Zarbalar butun mamlakat bo‘ylab berila boshlaganda esa, u Ukrainaning barcha aholisini qayerga evakuatsiya qilish mumkinligini so‘ragan: “Xo‘sh, qayerga? Polshagami? Slovakiya? Ruminiyaga? Qayerga?”.
Mamlakat prezidenti harbiylar Ukrainani saqlab qolish uchun kurashayotganini, Ukraina esa oilalar va yerdan iborat ekanini ta’kidladi. “Agar odamlar ketadigan bo‘lsa, kimni himoya qilish kerak bo‘ladi?”, — deb so‘radi u.
“Mamlakat prezidenti: qoch, yugur, men ham sen bilan qochaman, desa nima bo‘lardi, bilmayman”, — deya qo‘shimcha qildi u. “Kechirasiz, bu tirik qalqon degani emas, yo‘q, bu boshqa masala”.
Rossiya Ukrainaga qariyb to‘qqiz oy avval, 24-fevralga o‘tar kechasi bostirib kirishni boshlagan edi. Urush boshlanganidan keyin Kiyev Zelenskiy mamlakatda “oxirigacha” qolishini ma’lum qildi.
Noyabr oyi boshida Ukraina bosh vaziri Denis Shmigal Kiyev va jangovar harakatlardan uzoq bo‘lgan boshqa shaharlardan evakuatsiya faqat favqulodda chora sifatida ko‘rilishini aytdi. “Sizda har doim B rejasi bo‘lishi kerak, ammo hozir vaziyat bundan yiroq”, — deya qo‘shimcha qildi u.
Izoh (0)