Futbol bo‘yicha O‘zbekiston milliy terma jamoasi 16-noyabr, chorshanba kuni Toshkentdagi “Paxtakor” stadionida Qozog‘istonga qarshi o‘rtoqlik o‘yini o‘tkazdi.
Uchrashuvning 12-daqiqasida Hojimat Erkinov o‘zbekistonliklarni oldinga olib chiqdi. Birinchi bo‘limning so‘nggi daqiqasida Eldor Shomurodov raqib darvozaboni bilan birga-bir vaziyatga chiqib bordi va imkoniyatdan unumli foydalandi.
Ikkinchi bo‘limda ham ikki jamoa vakillarida golga tortadigan vaziyatlar bo‘ldi, biroq darvozalar boshqa ishg‘ol etilmadi.
Srechko Katanes shogirdlari noyabr yig‘ini doirasida navbatdagi o‘rtoqlik o‘yinini 20-noyabr kuni Rossiya terma jamoasiga qarshi o‘tkazadi.
O‘rtoqlik uchrashuvi
16-noyabr, chorshanba
O‘zbekiston — Qozog‘iston 2:0
Gollar: 1:0 – 12 Erkinov, 2:0 – 45 Shomurodov.O‘zbekiston: O‘tkir Yusupov, Umar Eshmurodov, Husniddin Aliqulov, Rustam Ashurmatov, Dilshod Saitov (Sherzod Nasrullayev, 69), Farrux Sayfiyev, Odil Hamrobekov (Abdulla Abdullayev, 90+2), Otabek Shukurov, Aziz Turg‘unboyev (Oston O‘runov, 69), Hojimat Erkinov (Sardor Sobirxo‘jayev, 69), Eldor Shomurodov (Igor Sergeyev, 84).
Qozog‘iston: Igor Shatskiy, Sergey Maliy, Nurali Alip, Aslan Darabayev (Baxtiyor Zaynutdinov, 46), Asxat Tagibergen, Elxan Astanov (Islambek Kuat, 80), Mixail Gabishev (Bagdat Kairov, 73), Abat Aymbetov (Aybar Jaksilikov, 73), Timur Dosmagambetov (Dmitriy Shomko, 73), Ramazan O‘razov (Bauirjan Islamxan, 68), Aleksandr Marochkin.
Izoh (0)