Венгрия ташқи ишлар вазири Петер Сияртонинг маълум қилишича, «Дружба» қувури орқали нефть етказиб бериш қайта тикланган. Ҳозиргача паст босим остида нефть қуйилиб, қувурда техник ишлар олиб борилмоқда. Бу ҳақда «Коммерсантъ» хабар берди.
Техник ишлар якунланди ва паст босим остида «Дружба» қувури орқали Венгрияга хом нефть етказиб бериш айни дамда тикланди, — деди Питер Сиярто Белграддаги матбуот анжуманида.
Унинг сўзларига кўра, тўлиқ нормал босим остида таъминотни тиклашни таъминлаш учун қувур линиясида техник ишлар олиб борилмоқда.
Венгриянинг энг йирик нефть-газ компанияси МОЛ Венгрияга нефть қуйишнинг тўхтатилишига Беларусь-Украина чегараси яқинидаги трансформатор станциясининг Россия артиллерияси томонидан ўққа тутилиши сабаб бўлганини маълум қилди.
У нефть қувурининг насос станциясини электр энергияси билан таъминлади. Нефть ташишнинг тўхтатилиши муносабати билан Венгрия бош вазири Виктор Орбан Хавфсизлик кенгашининг шошилинч йиғилишини чақирди. Петер Сияртонинг айтишича, трансформатор станциясини таъмирлаш қийин эмас.
15 ноябрь куни «Транснефть» Украинада кучланиш пасайиши туфайли Венгрия томон нефть қуйишни тўхтатгани ҳақида хабар берганди. Чехия ва Словакияга нефть етказиб бериш ҳам тўхтатилган.
Аввалроқ Туркия Европани газ билан таъминламоқчи экани ҳақида хабар берилган эди.
Изоҳ (0)