Мультфильмларни фақат болалар севиб томоша қилмайди. Шундай мультфильмлар борки, улардаги қаҳрамонлар, сюжет катталарнинг қалбидан жой эгаллаган. Elle нашри болалар ва катталар севиб томоша қиладиган мультфильмлар рўйхатини тақдим этди.
«Атлантида: Йўқолган дунё» — 2001 йил
Кўплаб инсонлар қачонлардир океан чўкиб кетган шаҳар — Атлантида ҳақида маълумотга эга. «Атлантида: Йўқолган ришта» мультфильмида бир гуруҳ тадқиқотчилар афсонавий мамлакатни излашга киришади, бироқ улар бу осон бўлмаслигини тушуниб етади. Мультфильм нафақат ўзининг бадиийлиги, балки сюжети билан ҳам инсонни ҳайратга солади.
«Ҳайвонлар шаҳри» («Зверополис») — 2016 йил
«Зверополис» — нафақат Disney’нинг ажойиб ҳикояси, балки ҳеч қачон таслим бўлмасликни тушунишга ёрдам берадиган мультфильмдир. Қуён Жуди Ҳоппс бутун умри давомида полициячи бўлишни орзу қилади. Кўп машғулотлардан сўнг у орзусини амалга оширади. Бироқ Жуди ҳамкасблари билан рақобатлашишда қийналади, чунки улар қуёнга қараганда каттароқ ва кучлироқ бўлади. Тўсиқлар қуённи тўхтата олмайди ва у ҳар қандай вазифани енга олишини исботлайди.
«Валл-I» — 2008 йил
Мультфильмда инсоният Ерни тарк этади ва космосга учади. Кичкина Валл-I эса сайёрани ахлатдан тозалайдиган ягона роботга айланади. Бироқ робот уни келажакда қандай воқеалар кутаётганини билмайди. Мультфильм давомида Валл-I янги дўстлар билан учрашади, космосга учади ва ҳаттоки инсонларни Ерга қайтаради.
«Рататуй» — 2007 йил
Мультфильмда каламуш мазали таомларни тайёрлаб кўплаб инсонларни лол қолдиради. «Рататуй» Реми исмли кичкина каламушнинг қайсарлиги ва иродаси туфайли Франциядаги энг машҳур ресторанда ошпаз бўлишга муваффақ бўлганлиги ҳақида ҳикоя қилади. Шунингдек, мультфильм орзу сари боришда тўхтамасликни, ирода мустаҳкам бўлиши кераклигини инсонга уқтиради.
«Ранго» — 2011 йил
Ранго — дўкондаги хамелеон, у бир куни чўл ўртасидаги катта йўлда машинадаги юкхонадан тушиб кетади. Шундан сўнг у ўз ҳаётини сақлаб қолиши учун ҳаракат қилади. У йўлда Ранго Гряз шаҳрини учратади ва кўплаб саргузаштларга дуч келади.
«Коко сири» — 2017 йил
Мигел исмли 12 ёшли болакай Мексика қишлоғида пойабзалчилар оиласида яшайди ва яширинча мусиқачи бўлишни орзу қилади. Болакай буни атрофдагиларидан сир тутади, чунки унинг оиласида мусиқа ланъат саналади. Бир пайтлар болакайнинг катта бобоси ўз рафиқасини орзуси учун ташлаб кетади, бу ҳолат эса унга тинч яшашга имкон бермайди. Бироқ Мигел вазиятдан чиқиш йўлини топади: у ўликлар мамлакатига боради ва у ерда барча саволларга жавоб топади.
«Простоквашино» 2018 йил
«Простоквашино» — янги дўстлари: мушук Матроскин ва содиқ ити Шарик билан бирга Простоквашино қишлоғига борган Фёдор амаки ҳақида эски ва жуда қадрдон мультфильм. Бу мультфильм катталарга болалик хотираларини эслатади ва болаларнинг севимли мультфильмига айланади. Мультфильмнинг янги талқини 2018 йилда томошабинларга тақдим этилди.
«Махлуқлар жамияти» — 2001 йил
«Махлуқлар жамияти» мультфильми кичкина қизалоқ ва махлуқлар ҳақида ҳикоя қилади. Махлуқлар болаларни қўрқитиш, уларнинг йиғлаши учун хизмат қилади. Бироқ кутилмаганда иккита махлуқнинг режалари ўзгариб кетади ва улар қизалоқ билан кўплаб саргузаштларни бошдан кечиради.
«Уч баҳодир» мультфильмининг барча қисмлари — 2010 йил
«Уч баҳодир» рус мультфильми бўлиб, у учта энг машҳур рус баҳодирлари — Алёша Попович, Добриня Никитич ва Иля Муромецнинг саргузаштлари ҳақида ҳикоя қилади. Мультфильм кўплаб ҳаётий ҳақиқатларни ҳам ўз ичига олади, шу билан бирга унда от Юлий билан боғлиқ кулгили вазиятлар ҳам мавжуд.
«Шрек» — 2001 йил
Шрек ҳақидаги мультфильмни кўрмаган инсон топилмаса керак. Ўзининг шинам ва қулай ботқоқдаги уйида яшовчи ғалати мавжудот инсонлар билан кўришгач кўплаб саргузаштларга дуч келади. Шрек гўзал маликани аждаҳо қўриқланадиган минорадан қутқариши керак бўлади ва воқеалар давомида у яқин дўстлари — этик кийган мушук ва эшакни учратади. «Шрек» ҳақидаги мультфильмнинг кўплаб қисмлари мавжуд.
«Мадагаскар» — 2005 йил
Нью-Йорк ҳайвонот боғида бир нечта ҳайвонлар тўсатдан ғойиб бўлдаи. Бу воқеага эса Африкага кетишни, яъни озодликка чиқишни орзу қиладиган ҳайвонот боғи зебраси Марти сабабчи бўлади. Мақсадига чин дилдан ишонган инсон албатта эришади. Марти шер Алекс, бегемот Глория, жирафа Мелман ва пингвинлар билан Мадагаскар оролига боради. Бу воқеа уларнинг охирги саргузашти эмас, ҳайвонлар мультфильм давомида Африкага боради, циркда чиқиш қилади. Шунингдек улар пингвинлар билан кўплаб қийинчиликларга ва саргузаштларга дуч келади.
«Немони излаб» — 2003 йил
Бир куни Немо исмли кичкина балиқ, бир қаноти касал бўлиб, жуда узоққа сузгани учун адашиб қолади. Бироқ Немонинг отаси Марлин умидсизликка тушмайди ва ўғлини топиш учун ҳаракат қилади. Отасидан ранжиган кичкина балиқ Немо эса хавфли вазиятларни бошдан кечиради. Мутфильм бир томондан қийинчиликларни енгиб ўтиш ҳақида хулоса қилишга ёрдам берса, иккинчи томондан ота ва фарзанд ўртасидаги муносабатларни ҳам акс эттиради.
«Ов мавсуми» — 2006 йил
Ов мавсуми Эллиотга овчи таҳдид қилиши акс этган воқеалар билан бошланади. Воқеалар ривожида кийик ёввойи табиат ҳақида умуман билмайдиган айиқни учратади. Мультфильм жуда қизиқарли ва кутилмаган воқеаларни ўз ичига олади. Ушбу мультфильм тўртта қисмдан иборат.
«Уй ҳайвонларининг сирли ҳаёти» — 2016 йил
Уй ҳайвонлари нималар ҳақида ўйлашини тасаввур қилиб кўрганмисиз? Бу мультфильмда Макс исмли ит эгаси уйга бошқа итни олиб келганидан норози бўлади. У бошқа ит Дюк билан ўз ҳудудини бўлишишни хоҳламайди. Бироқ навбатдаги ғала-ғовурдан сўнг иккаласи ҳам кўчага чиқиб, уйга йўл топа олмайди. Мультфильм итларнинг уйга йўл топишдаги саргузаштларини акс этттиради.
«Кунг-фу панда» — 2008 йил
Уйқучи, дангаса ва доим оч панда, бу таърифларнинг барчаси Пога тегишли. «Кунг-фу панда» мультфильмида По кўплаб саргузаштлар ва хавфли вазиятларга дуч келади. Масалан, Тинчлик водийси ва унинг барча аҳолисини енгилмас ва шафқатсиз Таи Лунгдан қутқариш унинг вазифасига бўлади. Воқеалар ривожида у танлаб олинган Аждаҳо жангчисига айланади ва у афсонавий жангчилар билан ёнма-ён ўрганиб машаққатли йўлни босиб ўтади. Ўзига ишонган панда барча қийинчиликларни енгиб ўтади.
Мавзуга доир:
- Мазали санъат асарлари: машҳур мультфильмлар асосида тайёрланган ажабтовур тортлар (фото).
- Кинотавсия: Тош юракларни ҳам эритиб юборишга қодир қисқа метражли мультфильмлар (видео).
- «Тоторо», «Қалб», «Лука» — оригинал сюжетга эга энг яхши мультфильмлар (видео).
- Нафақат ёрқин образларга, балки эгаси ҳақида «гапирувчи» исмли қаҳрамонларга эга кино ва мультфильмлар (фото).
Изоҳ (0)