Quyida turli mamlakatlarning an’anaviy to‘y liboslarini ko‘rib ko‘zlaringiz rang-baranglikdan chaqnab ketadi.
Butan Qirolligi
Kira — Butan Qirolligida kelinning an’anaviy to‘y libosi hisoblanadi. Bu to‘piqqacah tushib turadigan to‘rtburchaklar ko‘ylakdir. Kira ustidan uzun yengli kalta yopinchiq — tegu kiyiladi. 2011-yilda Butan qirolichasi aynan shunday kiyingan.
Yaponiya
Yaponiyalik kelinlar bir necha qavat kimono kiyadi. Ichidan kiyiladigan libos oddiy paxta yoki ipak kiyim bo‘lib, asosiy kimononi tanadan ajratib turadi. Kimononi yuvish juda qimmatga tushgani uchun ichki kiyim sifatida nagajuban kiyiladi. To‘y libosining tashqi qatlami eng hashamatlisi hisoblanadi. Bu rang-barang uchikake yoki oppoq siromuku bo‘ladi. Ikkalasi ham bir paytlar samuray ayollari kiygan kimonodan kelib chiqqan, yagona farq shundaki, siromuku oq naqshli oppoq matodan bo‘lishi mumkin.
Marokash
Marokashda kelin rangi, naqshlari, dizayni va turli bezaklari bilan ajralib turadigan 7 turdagi an'anaviy to‘y liboslaridan birini tanlash imkoniyatiga ega.
Pokiston
Pokistonda to‘y turli kiyimlarda nishonlanadi. Odatda kiyimning uslubi va dizayni turli etnik jamoalar orasida mamlakat mintaqasiga qarab farq qiladi. Ba’zi joylarda kelinlar lehenga — qizil, to‘q qizil yoki pushti rangdagi turli xil bezaklar bilan bezatilgan polgacha tushib turadigan yubka kiyadi. Kelinlar burunlariga sirg‘a taqishlari shart, bu marosimning muhim atributi hisoblanadi. Ammo uzukning o‘lchami kelinning, aniqrog‘i uning oilasining moliyaviy ahvoliga bog‘liq.
Gana
Ganalik kelinlar to‘y marosimiga har biri o‘ziga xos ma'noga ega naqshli an’anaviy rang-barang matodan qo‘lda tayyorlangan yorqin rangli to‘y liboslarini kiyishadi. Odatda milliy to‘y bosh kiyimi ham kiyiladi. Oltin taqinchoqlar va rang-barang munchoqlar ham kelinning aksessuarlariga kiradi, ular qabilaga qarab farq qilishi mumkin.
Shri-Lanka
Kelinning to‘y sarisi ko‘pincha oltin yoki kumush iplar, marvaridlar, toshlar, munchoqlar va biserlar bilan bezatiladi. Bosh kiyimning majburiy atributi — nalalpata bo‘lishi shart. Bosh kiyim qadimda qirol va saroy a’yonlari tomonidan kiyilgan, u zargarlik buyumlari yoki oltin tasma bilan bezatiladi.
Bangladesh
Bengal kelinning qiyofasi an’anaviy naqshli yorqin qizil ko‘ylak banoras bilan belgilanadi. Bosh kiyim sifatida kelin libosining ajralmas qismi bo‘lgan bezak — tikli kiyiladi. Bu sochlarga o‘ralgan nozik zanjirdagi marjon. Bilaklarga juda chiroyli zargarlik buyumi — roton-chur taqiladi. Bu zanjir bilan bir-biriga bog‘langan va bilaguzukka aylanadigan halqalar to‘plami hisoblanadi.
Polsha
To‘yni an’anaviy kostyumda nishonlashga qaror qilgan polshalik kelinlar odatda munchoq bilan bezalgan kashtali oq yubka va bluzka kiyadi. Bluzka ustida ba’zan jiletga o‘xshash libos kiyishadi, lekin u oq fonda ajralib turishi uchun yorqinroq rangda bo‘ladi. Sochlar ko‘pincha o‘ynoqilik va yoshlik ramzi sifatida ortiqcha oro bermay o‘riladi. Yangi olma gullari yoki kichik novdalari sochlarga taqiladi.
Albaniya
Zamonaviy alban ayollari ko‘pincha zamonaviy to‘y liboslarida turmushga chiqadi. Ammo ba'zilar hali ham an’anaviy kiyimni afzal ko‘rishadi va bu ajablanarli emas, chunki u haqiqatan ham rang-barang va hashamatli ko‘rinadi. Mahalliy urf-odatlarga qarab, kostyumlar bir-biridan farq qilishi mumkin. Bundan tashqari, Albaniyada to‘ylar 1-2 kun emas, balki butun bir hafta davomida nishonlanishi mumkin, shuning uchun kelinlar garderobida ko‘pincha turli xil kiyimlar bo‘ladi. Biroq klassik to‘y libosi bluzka yoki ko‘ylak, yubka yoki shim, qalin jilet va uzun paltodan iborat.
Malta
Bu g‘alati tuyulishi mumkin, ammo Maltadagi kelinning asosiy to‘y atributi umuman kiyim emas, balki gonnella — keng ro‘mol ko‘rinishidagi bosh kiyimdir. Biroq hozirda qizlar an'anaviy to‘y libosini kiymaydi, ko‘pchilik uning zamonaviy versiyasini tanlaydi, bu odatiy oq libosdan unchalik farq qilmaydi.
Mavzuga doir:
- O‘zga millat vakili bilan oila qurgan va hozirda baxtli hayot kechirayotgan o‘zbekistonlik mashhurlar (foto)
- Dunyoga qarshi chiqqan juftlik: 34 yil davomida turmush qurish uchun qirolichaning ruxsatini kutgan Charlz va Kamillaning sevgi hikoyasi
- Xizmatkor, ofitsiant va kassir: Gollivud yulduzigacha bo‘lgan mashaqqatli yo‘lni bosib o‘tgan aktrisa — Margo Robbining taqdir hikoyasi
Izoh (0)