Xonanda Shohjahon Jo‘rayev “Taraflar” ko‘rsatuviga bergan intervyusida atrofdagilarning fitnalari tufayli otasidan uzoqlashgani, Jo‘rayevlar oilasining konsertida ham ishtirok eta olmagani va otasining kasalligi haqida gapirib berdi.
“Konsert dasturiga meni aralashtirishmadi”
“Menga qolsa konsertni yana bir yilga uzaytirgan bo‘lar edim. Sababi har bir farzand otasi yoki onasining og‘ir holatdan yana tiklanib, yaxshi bo‘layotgan vaqtida ishlashidan ko‘ra, tinchgina, sog‘-salomat yashab 100 ga kirishini istaydi. Kerak emas, ishlamasin, maza qilib yashasin degan narsa bo‘ladi. Shaxsan menda shu fikr bor edi. Shuning uchun menga qolsa, otamni yana kuchga to‘lib, keyingi yilga konsert berishi mo‘ljallashtirilganda o‘zlari uchun ham, otamni sog‘ingan muxlislar uchun ham ayni muddao bo‘lar edi.
Otamga og‘ir bo‘ldi, qiynaldi. U insonning farzandi va san’atkor sifatida his qildimki, juda qiynaldi. Qo‘shiq aytish uchun ham tanada kuch bo‘lishi kerak. Tarixda o‘qiganmiz, katta podshohlarning saroylarida turli xil o‘yinlar bo‘ladi, fitnalar bo‘ladi. Saroydagi a’yonlar, vazirlar, ularni yugurdaklari, qullari, umuman podshoh atrofida bo‘layotgan ishlardan bexabar bo‘ladi. Xayoli bilan yashayveradi, buyrug‘ini beraveradi, bajarilyapti deyiladi. Vaholanki, atrofida boshqa ishlar bo‘ladi. Shuning uchun ham men bu ishga aralashmadim. Konsert dasturiga meni aralashtirishmadi, aralashtirishganida to‘xtatar edim. Menga otamning joni og‘rishi kerak emas”, — deydi xonanda.
“Otam ‘ketma, men seni qidiryapman’, — deb aytdi”
“Bizda otamga bo‘lgan sadoqat, muhabbat boshqacha. Bir, bir yarim yil orasida og‘ir kasal bo‘lganlarida ham Turkiyaga borib, davolatib olib keldik. Unda ham men otam bilan kamroq ko‘rishib turar edim, chunki vaziyatimiz shunaqa bo‘lib qolgan edi. Yoshi o‘tgan, bemor odamni avaylash kerak, ko‘p narsani aytib bo‘lmaydi. Bir yil avval toblari bo‘lmay, kasalxonaga tushib qldilar. Oldilariga ko‘p borolmsdim. Bir kuni sog‘inib kechasi soat ikkida kasalxonaga borib, yerga yotvoldim. O‘sha kuni otam meni so‘rab chiqqan ekan, uyg‘onib ketdilar. Qiynalib uxlar edi, buni azobini biz ko‘rdik. Xonanda sahnada chiroyli ko‘rinaveradi, uni azobini biz bildik. Otam ‘keldingmi?’, nimaga ketib qolyapsan?’, dedi. Ketmayapman dedim. Shunda otam ‘ketma, men seni qidiryapman’, deb aytdi. Dori olib keldim, dedim, ichmasligini, hammasi joniga tegganini aytdi. Ota, unday qilmang, siz katta sinovlardan o‘tgan insonsiz, endi sahnaga, yorug‘likka chiqdik, tug‘ilganimiz bilanoq kutgan orzularimizga endi erishdik, unaqa mag‘lubiyat bo‘lishi kerak emas, dorini ichish kerak, sizga ovoz berilgan, nechta inson bundan malham topadi, dedim.
Biz ko‘p joylarga boramiz, yoshlar, chollar, kampirlar, aqlini tanigan ziyoli insonlar ushlab olib menga shu insonni ovozini eshitmasam yashamayotgandek bo‘laman, o‘sha ovozni eshitsam kayfiyatim ko‘tariladi, ashula aytmasin, mayli, to‘yda ko‘rishib qolganimda ham maza qilaman, ovozida nimadir bor deyishadi. Nechta odam otamning qo‘shig‘i bilan dinni, Allohni, tanidik deb aytadi. Bir intervyularida eshitib qolgan edim, bizni ko‘p o‘zimizga maqtamaydi. Intervyuda men haqimda so‘rashganda har bir farzand otasidan kutib yashaydigan so‘zlarni aytgan ekan. U yerda arzirli gaplar aytilgan.
Bir rejissor akam bor, konsert zalga borsam xursand bo‘lib kutib oldi. ‘Uch kun oldin borgandim, uyda yo‘q ekansan’, Sher akam bilan o‘tirib bir savol berdim, dedi. Nima savol berganini so‘radim. ‘Sher aka, mingdan ortiq shogirdingiz bor, kim sizni rozi qilib qo‘shiqlaringizni aytgan’, deb so‘raganini aytdi. Keyin esa otam ‘Shohjahon Jo‘rayev’, deb javob beribdi. Buni sababi sadoqat, sadoqat bilan xizmat qilish”, — deydi Shohjahon Jo‘rayev.
Mavzuga doir:
- Muxlisni siltab tashlagan Shohjahon Jo‘rayev, tomoshabinga tarsaki tushirgan Alisher Uzoqov: San’atkorlarni qanday holatlar asabiylashishga majbur qiladi? (video).
- Malibu oynasini sindirgan Durdona Qurbonova, Shohjahon Jo‘rayevdan ranjigan Dilfuza Ismoilova, Halima Ibragimovani “tepgan” Ahad Qayum. 2021-yilda internetda “shovqin ko‘targan” shou-biznes vakillari.
- “Yaxshiyam o‘sha davrlar o‘tib ketdi”. Shohjahon Jo‘rayev ilk marta Gulnora Karimova tufayli “zapret”ga tushgani haqida so‘zlab berdi (video).
- Instagram: Nevarasi sharafiga to‘y qilgan Rashid Xoliqov, SanJayni yana sudga berishdi, bemor muxlisasi bilan ko‘rishgan Shohjahon.
Izoh (0)