G‘arbning Putin ustidan to‘liq g‘alaba qozonganini e’lon qilishga hali erta — OAV

The Telegraph eksperti Sherel Jeykobs G‘arb Ukraina mojarosida g‘alabani erta nishonlab yuborayotganini ta’kidladi.

“G‘arb Ukrainadagi jang maydonlarida ertak tugayapti, degan fikrdan xalos bo‘lolmaydi”, — deb yozadi Jeykobs.

Ukraina qo‘shinlari Xersonga kirganidan so‘ng, AQSH va Yevroittifoq g‘alaba Kiyev tomonida ekanligini bildirdi, biroq Jeykobsning fikricha, mojaro hali tugamagan va Rossiya halicha taslim bo‘lmoqchi emas.

Shuningdek, Jeykobs tobora ko‘proq rivojlanayotgan davlatlar G‘arbni qo‘llab-quvvatlashdan bosh tortayotgani haqida ogohlantiradi. Xitoy, Hindiston va Saudiya Arabistoni kabi davlatlar Rossiyaga qarshi chiqmadi va kuzatuvchining fikricha, Amerika va Yevropa g‘oyalariga qiziqishning susayishi AQSH va Yevropa hukmronligining tugashini anglatadi.

“Har qanday holatda Xersondagi vaziyat G‘arb uchun emas, balki Xitoy uchun ramziy hokimiyat lahzasiga to‘g‘ri kelishi mumkin. Agar Kreml yana keskinlashsa, Amerikaning harbiy imkoniyatlari cheklanib qoladi. Uning Rossiyaning sanksiyalar orqali qarorini buzish rejasi, qisman uning katta valyuta zaxiralari, shuningdek, G‘arb ittifoqchilari hamkorlik qilishdan bosh tortgani tufayli muvaffaqiyatsizlikka uchradi”, - deya xulosa qildi Jeykobs.

Rossiyaning Ukrainaga urush ochgani fonida AQSH va uning NATO bo‘yicha ittifoqchilari Ukrainaga qurol-yarog‘ yuborishda davom etmoqda. Amerika prezidenti Jo Bayden Vashington Kiyevga o‘nlab milliard dollar ajratishi haqidagi qonunni imzoladi. Moskva esa G‘arbning Ukrainaga harbiy texnika yetkazib berishi faqat mojaroni uzaytirishini, G‘arb qurollari o‘rnatilgan mashinalar Rossiya armiyasi uchun qonuniy nishonga aylanganini bir necha bor ta’kidlagan.