Afg‘onistonning Paktiya viloyati Dandpatan chegara tumanidagi mahalliy manbalar “Tolibon” kuchlari va Pokiston askarlari o‘rtasida to‘qnashuv bo‘lganini ma’lum qildi. Bu haqda Etilaatroz xabar berdi.
Hodisa oqibatida Pokiston chegara qo‘shinidan bir askar halok bo‘lgan, yana ikki nafari yaralangandi. Biroq “Tolibon” mazkur hujumga aloqadorligini rad etgan. Qandahordagi manbalarning aytishicha, Pokiston markaziy hukumati “Tolibon”dan mamlakat chegarachilariga o‘q uzgan shaxsni topshirishni so‘ragan.
O‘tgan yil davomida Pokiston bir necha bor Afg‘onistonni chegara hududlarini o‘qqa tutganlikda ayblagan. Bunga javoban Islomobod aprel oyida Afg‘onistonning Xost va Kunar viloyatlariga bir qator aviahujumlar uyushtirgan va oqibatda 50 ga yaqin odam halok bo‘lgan.
Izoh (0)