«Бу жуда оғир, бироқ эртага яна тонг отади» — Серхио Рамос Испаниянинг ЖЧ—2022 учун таркибидан жой олмагани ҳақида

«ПСЖ» ҳимоячиси Серхио Рамос Испания терма жамоасининг ЖЧ—2022 учун қайдномасидан ўрин олмагани ҳақида гапирди.

«Қизил фурия» устози Луис Энрике 36 ёшли марказий ҳимоячини мундиалга борадиган рўйхатга киритмади.

Жароҳатлар борасида

Ўтган мавсум жароҳат ва янги клуб ҳамда шаҳарга мослашиш жараёни сабаб қийин бўлди. Бор эътиборимни тикланишга ва аввалги формамни қайтаришга қаратдим.

Бу мавсум ўзимга келганимни сезяпман, буюк клуб ва Париж каби буюк шаҳарда ўйнашдан роҳат оляпман.

Жаҳон Чемпионатига бормаслиги ҳақида

Албатта, бу мен эришишни хоҳлаган катта орзу эди. Бу мен учун бешинчи мундиал бўлиши мумкин эди, афсуски, уни уйдан кузатишимга тўғри келади.

Бу оғир, бироқ эртага яна қуёш чиқади. Ўзимда бирор жиҳатни ўзгартирмаган бўлардим — на менталитет, на эҳтирос, на содиқлик, на фидокорлик, ҳеч бирини. Сутканинг 24 соатида футбол ҳақида ўйлайман.

Барча қўллаб-қувватлаганларга раҳмат. Олдинда ҳали кўплаб вазифа ва мақсадлар бор. Яқинда кўришамиз. Барчага энг яхши тилакларим. Олға, Испания.

Серхио Рамос, футболчи