Bollivudning ko‘plab muxlislarga ega bo‘lgan aktrisasi Bipasha Basu va uning o‘zidan uch yosh kichkina turmush o‘rtog‘i, aktyor Karan Singh Grover ilk marta ota-ona bo‘ldi, deb xabar bermoqda “Yandeks Dzen” nashri.
Xabarlarga ko‘ra, aktrisa 12-noyabr kuni qiz farzandni dunyoga keltirgan va unga Devi deb ism qo‘ygan. Aktrisa bu haqda Instagram’dagi sahifasida post qoldirgan.
Ma’lumot uchun, hind aktrisasi Bipasha Basu 19179-yilning 7-yanvar sanasida Hindistonda tug‘ilgan. Faoliyatini modellikdan boshlagan aktrisa 14 yoshidan reklama roliklarida ishtirok etgan va Hindistondagi yetakchi dizaynerlar uchun podiumga chiqqan. Oradan biroz vaqt o‘tib u “Ajnabiy” loyihasi bilan katta ekranda debyut qiladi. Shundan keyin bir qancha: “Poyga”, “O‘yinchilar”, “Haqiqiy tuyg‘ular” kabi loyihalarda suratga tushdi.
Bollivud aktrisasi Bipasha Basu turmush o‘rtog‘i Karan Singh Groverdan uch yoshga katta. Dastlab Karanning onasi yoshlari o‘rtasidagi tafovut tufayli o‘g‘lining aktrisaga uylanishiga qarshi bo‘lgan. Oradan biroz vaqt o‘tib esa ularning turmush qurishiga rozilik bildirgan. Juftlik 2016-yilning 30-aprelida turmush qurgan. Bipasha bong, Karanning esa panjoblik bo‘lgani oila qurishiga ta’sir qilmagan. Juftlik to‘yi bengalcha bo‘lsa-da, panjobcha o‘yin-kulgi va tomoshalar bilan o‘tgan.
Izoh (0)