Iqlim o‘zgarishining salbiy oqibatlariga muvaffaqiyatli qarshi turish uchun jahon hamjamiyatiga 1 trillion dollar kerak bo‘ladi. Bu haqda BMTning 2030-yilgacha barqaror rivojlanish kun tartibini moliyalashtirish bo‘yicha maxsus vakili Muhammad Muhyiddinga tayanib “TASS” xabar bermoqda.
Iqlim o‘zgarishi sohasidagi so‘nggi tadqiqotlarga ko‘ra, uning oqibatlarini yengish uchun dunyoga 1 trillion dollar kerak bo‘ladi, — deydi Muhammad Muhyiddin.
Uning qo‘shimcha qilishicha, bu maqsadlar uchun ilgari taklif qilingan 100 milliard dollar, birinchi navbatda, rivojlanayotgan mamlakatlar ehtiyojlarining atigi 10 foizini tashkil etadi.
Muhyiddin, shuningdek, ta’lim kurslari zarurligini ta’kidladi. Uning so‘zlariga ko‘ra, yer yuzi aholisining yarmidan ko‘pi iqlim o‘zgarishi xavfini umuman sezmaydi.
6-noyabr kuni Sharm ash-Shayxda BMTning iqlim bo‘yicha konferensiyasi boshlandi. 18-noyabrgacha davom etadigan forum davomida COP-27 kun tartibiga oid yuzlab tadbirlar o‘tkaziladi.
Misr shahri rasmiy va xalqaro tashkilotlar delegatsiyalari tarkibiga kiruvchi 62 mingdan ortiq ishtirokchilarni qabul qiladi. COP-27 ni 3000 dan ortiq jurnalist yoritadi.
Avvalroq 2022-yil Yevropada so‘nggi 30 yildagi eng issiq yoz kuzatilgani haqida xabar berilgan edi.
Izoh (0)