Futbol bo‘yicha Germaniya chempionatining 15-turidan o‘rin olgan qator uchrashuvlar 12-noyabr, shanba kuni bo‘lib o‘tdi.
“Bavariya” safarda “Shalke-04”ga qarshi bahs olib bordi. Uchrashuvning 38-daqiqasida Serj Gnabri myunxenliklarni oldinga olib chiqqan bo‘lsa, ikkinchi bo‘lim debyutida Erik Maksim Shupo-Moting hisobni ishonchli ko‘rinishga keltirdi.
Ushbu g‘alaba evaziga “Bavariya” ochkolarini 34 taga yetkazib olgan holda peshqadamlikni mustahkamladi. “Shalke-04” 9 ochko bilan so‘nggi pog‘onani band etgan.
“Leypsig” safarda “Verder”dan ustun keldi. Qatorasiga to‘rtinchi o‘yinda g‘alaba qozongan “buqalar” 28 ochko bilan 2-o‘ringa ko‘tarildi.
Bundesliga
15-tur bahslari
12-noyabr, shanba
“Shalke-04” – “Bavariya” 0:2
Gollar: 0:1 – 38 Gnabri, 0:2 – 52 Shupo-Moting.“Shalke-04”: Shvolov, Bryunner (Aydin, 75), Yosida, Matrichani, Mor (Kolodzeychak, 66), Dreksler (Latsa, 75), Kral, Kraus, Terodde, Karaman (Larsson, 59), Byulter (Sane, 66).
“Bavariya”: Noyer, Upamekano, Pavar, Ernandes (Stanishich, 72), Goretska (Zabitser, 72), Kimmix, Shupo-Moting, Gnabri, Koman (Gravenberh, 80), Sane (de Ligt, 60), Musiala (Vanner, 79).
Izoh (0)