Futbol bo‘yicha Angliya Premyer Ligasining 16-turidan o‘rin olgan qator uchrashuvlar 12-noyabr, shanba kuni bo‘lib o‘tdi.
“Manchester Siti” o‘z uyida “Brentford”ni qabul qildi. Uchrashuvning 16-daqiqasida Ayven Touni mehmonlarni oldinga olib chiqdi. Birinchi bo‘lim yakunlanishi arafasida Fil Foden muvozanatni tikladi.
Uchrashuvga hakam tomonidan qo‘shib berilgan vaqtning 8-daqiqasida Touni dublni rasmiylashtirib, jamoasiga g‘alaba olib keldi.
“Manchester Siti” 32 ochko bilan ikkinchi pog‘onani egallab turibdi va ushbu turda “Vulverhempton” bilan o‘ynaydigan “Arsenal”dan ikki ochko ortda qolmoqda.
“Liverpul” o‘zida “Sauthempton”ni qabul qilib, ishonchli g‘alabani qo‘lga kiritdi. Darvin Nunyesning dubli va Roberto Firminoning goli “qizillar”ga g‘alaba olib keldi.
“Liverpul” ochkolarini 22 taga yetkazib olgan holda 6-pog‘onaga ko‘tarildi.
“Tottenhem” esa “Lids”ga qarshi o‘yinda uch bor hisobda ortda borib, yakunda g‘alabani ilib ketishga muvaffaq bo‘ldi. “Shporlar” safida Rodrigo Bentankur dublga erishgan bo‘lsa, Harri Keyn va Ben Devis bittada gol urdi.
Ushbu g‘alaba orqali “Tottenhem” ochkolarini 29 taga yetkazib, uchinchi o‘ringa ko‘tarildi.
APL
16-tur bahslari
12-noyabr, shanba
“Manchester Siti” – “Brentford” 1:2
Gollar: 0:1 – 16 Touni, 1:1 – 45 Foden, 1:2 – 90+8 Touni.“Manchester Siti”: Ederson, Stounz, Lyaport, Akanji, Joau Kanselu (Alvares, 87), Gundo‘g‘an, de Bryuyne, Rodri, Bernardu Silva, Foden, Holand.
“Brentford”: Rayya, Roerslev, Yorgensen, Mi, Pinnok, Genri, Yensen, Yanelt (Nergor, 62), Oneka (Dasilva, 87), Touni, Mbemo (Vissa, 74).
Ogohlantirishlar: Holand (37), Mbemo (72), Joau Kanselu (84), Yensen (90).
“Liverpul” – “Sauthempton” 3:1
Gollar: 1:0 – 6 Firmino, 1:1 – 9 Adams, 2:1 – 21 Nunyes, 3:1 – 42 Nunyes.“Liverpul”: Alisson, Aleksander-Arnold (Fillips, 87), van Deyk, Gomes, Robertson (Simikas, 86), Tiago Alkantara, Fabinyo, Elliott (Milner, 68), Firmino (Oksleyd-Chemberlen, 75), Saloh, Nunyes (Karvalyu, 87).
“Sauthempton”: Bazunu, Bella-Kochap (Voynovich, 72), Chaleta-Sar (Meytlend-Naylz, 59), Salisu, Perro, Armstrong (Uolkott, 59), Elyunussi, Uord-Prouz, Lavia (Aribo, 82), Armstrong (Edozi, 59), Adams.
Ogohlantirishlar: Chaleta-Sar (5), Salisu (66).
“Tottenhem” – “Lids” 4:3
Gollar: 0:1 – 10 Sammervill, 1:1 – 25 Keyn, 1:2 – 43 Rodrigo, 2:2 – 51 Devis, 2:3 – 76 Rodrigo, 3:3 – 81 Bentankur, 4:3 – 83 Bentankur.“Tottenhem”: Lyoris, Emerson (Doerti, 57), Dayer, Devis, Langle (Sanches, 57), Perishich, Hyoybyerg, Bentankur, Kulusevski (Lukas Moura, 90), Keyn, Risharlison (Bissuma, 69).
“Lids”: Mele, Kristensen (Fernandes, 89), Kuper, Kox, Streyk, Roka (Eyling, 79), Adams, Aaronson, Rodrigo (Gelxardt, 89), Sammervill, Nionto (Grinvud, 46).
Ogohlantirishlar: Roka (49), Bentankur (57), Adams (71).
Chetlatish: Adams (87).
Izoh (0)