Boks. Ruslan Abdullayev finalda texnik g‘alabani qo‘lga kiritib, Osiyo chempioniga aylandi

Iordaniyaning Amman shahrida boks bo‘yicha Osiyo chempionatining final bahslari 12-noyabr, shanba kuni bo‘lib o‘tmoqda.

-63,5 vazn toifasida O‘zbekiston sharafini himoya qilgan Ruslan Abdullayev Hindiston vakili Shiva Tapaga qarshi ringga ko‘tarildi.

Birinchi raund Ruslanning ustunligida o‘tdi, ikkinchi raundning boshida Hindinston vakili oyog‘idan jarohat oldi va jangni davom ettira olmadi. Shu tariqa Abdullayevga texnik g‘alaba yozildi.

Avvalroq Hasanboy Do‘stmatov va Abdumalik Halokov Qozog‘iston vakillarini mag‘lub etib, oltin medalga ega chiqqani xabar qilingandi.

Yana to‘rt nafar o‘zbekistonlik bokschi 12-noyabr kuni finalda ishtirok etadi:

• -75 kg: Saidjamshid Ja’farov — Nurqanat Rayis (Qozog‘iston) (17:15 dan so‘ng)
• -80 kg: Odiljon Aslonov — Husseyn Eyshaysh (Iordaniya) (17:30 dan so‘ng)
• -92 kg: Madiyor Saidrahimov — Aybek Oralbay (Qozog‘iston) (18:00 dan so‘ng)
• +92 kg: Lazizbek Mullajonov — Kamshibek Kunkabayev (Qozog‘iston) (18:15 dan so‘ng)