“Ukrainaning bo‘lib olinishi bo‘yicha Rossiya bilan kelishishimiz zarur” — belgiyalik senator Alen Deteks

Belgiyalik senator Alen Deteks Yevropani endi “urushbozlik qiluvchi” AQSH boshqara olmasligi hamda Rossiya va Ukrainaga nisbatan siyosatni qayta ko‘rib chiqishi lozimligini ta’kidladi, deb yozadi “RIA Novosti”.

“Yevropa va yevropaliklar manfaatlarini ko‘zlab, biz Zelenskiyning qat’iy pozitsiyasidan voz kechishimiz, Ukrainani bo‘lib olinishi bo‘yicha Rossiya bilan kelishib olishimiz va sanksiyalarni bekor qilishimiz kerak — bu najot yo‘li. Hozirgi bosqichda Oq uy kabi mojaroni alangalatgandan ko‘ra, diplomatik yechim topish yaxshiroqdir”, — dedi siyosatchi.

Senator Ukraina yetakchisi Vladimir Zelenskiy “tovlamachi” sifatida tilga olingan “Panama hujjatlari”ni esladi. Uning so‘zlariga ko‘ra, bunday odamga munosib prezident sifatida emas, balki “kibrga berilib, bizni urushga tortayotgan amerikalik qo‘g‘irchoq” sifatida qarash kerak.

Bundan tashqari, siyosatchi Yevropa Ittifoqining Rossiyaga qarshi sanksiyalari faqat Yevropaning o‘ziga zarar yetkazishini, AQSH esa Yevropa davlatlarini qurol-yarog‘ va gaz bilan ta’minlash orqali ulardan foyda ko‘rayotganini eslatdi.

U, shuningdek, hamkasbi Elizabet Bornning Fransiya mojaro bahosini Rossiya uchun chidab bo‘lmas holga keltirmoqchi ekani haqidagi so‘zlarini qoraladi.

“Rossiya energiyani fransuzlar uchun chidab bo‘lmas holga keltirsa, ajablanmayman!”, — deya xulosa qildi u.

Bir kun avval NATO bosh kotibi Yens Stoltenberg G‘arbni Rossiyaning salohiyati past baholamaslikka chaqirgani haqida xabar qilingan edi.